我怎可能是女神👸🏻獵人🏹（第一季更新至斷更為止）: 844

妖，妳唔打開個櫃桶我鬼知咩…同一時間我feel到小公主同佢老公喺個心入面笑到嘰嘰聲，而奧丁兩個就露出咗一個發現傻仔嘅眼神；今次真係衝動得滯柒咗添，唔理，不變應萬變繼續食嘢。
Y：「呀，畀隻蠔我食吖。」睇嚟佢想幫我解圍。
然後我夾起咗成隻蠔放喺佢口前面，又真係一啖咬得晒喎，女人口大食四方，唔錯。
P：「呀，我呢個位有啲曬呀…」張枱set死咗喺邊位，有其中一個位會曬到背脊，咁啱係小港女。
絲：「我同妳掉轉囉，其他人有無所謂？」
Q’：「無，妳鍾意曬太陽就得。」
絲：「嘻，我本身就已經天然防晒，當然OK。」
然後佢兩組調位，小公主變成YY嘅上家。
我都係第一次見到自動麻雀機嘅實物，Queenie喺中間㩒咗一下，透明盒入面嗰三粒骰仔就跳下跳下咁，猜咗蜜絲先做東位莊，再㩒多下制，四排麻雀就整整齊齊應聲浮埋上嚟，都實在係幾過癮下，而我就梗係唔可以露出大驚小怪嘅表情，以免有人識穿到我係鄉下仔。
講就兇狠，結果打咗一圈都只係八蚊十六蚊咁來來回回，喺後面睇嘅我確實有啲悶，而我手上碟嘢食又已經清晒。




Q’：「呀，曬到嚟我個位度添，橫掂都係，順手啦…Gabriel幫我搽太陽油吖。」
然後姐姐喺我哋面前即席除咗佢件黑色透明衫。
Q’：「做乜望住我…未見過女人除衫咩…我呢度無嘢睇㗎喎。」欸，其實呢個可以話係男人嘅本能反應嚟，我哋睇嘅係本身女人除衫嘅動作，而唔係入面有啲乜睇；正如QQ每次喺我附近換衫我都會忍唔住䚎下，但如果佢只係著住底衫褲走來走去我又唔會話點留意佢，當然我早就昅慣晒亦係原因之一。
丁：「唔好咁講啦，我覺得細波嘅女仔係好有特色㗎。」嘩，睇佢個樣都未飲醉，竟然就亂講嘢。
細波嘅特色…我腦海入面即時浮現到嘅就係妹控，容易離罩，好想知入面粒釘嘅size係咪會配合返定係反差，同埋細波女好似會野性啲？因為波大無腦服務差…誠如QQ所講，睇得AV多真係會壞腦，鬼叫啲平胸女優因為缺乏賣點就搏晒老命七情上演唔玩到汁液橫飛都唔罷休。
絲：「男人！有嗰陣就想無，無嗰陣就想有，貪新忘舊。」確實…至理名言呀！
丁：「非也，男人係想乜都有，大小通吃。」
嘩，口出狂言呀！呢條仔係咪未死過？定係想俾人閹JJ再出家做和尚？
G：「哈哈，大家唔使介意，呢兩隻嘢係咁。」