我怎可能是女神👸🏻獵人🏹（第一季更新至斷更為止）: 848

絲：「大佬！妳用我兩歲嗰陣嚟同而家比？！」
係攞，兩歲嘅嘢又邊會有記憶㗎。
丁：「弊在！妳二年班嗰陣同我一齊沖涼話我條朘朘好得意，自己都想生返條，六年班嗰陣同我講波波開始大，問我買乜嘢bra好，返到嚟香港之後，妳重一直同我一齊沖涼到而家…」
絲：「係你自己三年班嗰陣話要娶我做老婆，關我春事咩？」哦，原來禍從口出。
丁：「小朋友講嘢妳都信？」
絲：「我信小朋友講嘅嘢，唔信男人講嘅嘢，所以我而家唔會再信你嘅鬼話連篇。」
丁：「哼，港女最叻就係綁架勒索。」
絲：「我揸澳洲passport㗎！重有，女都唔使追就有個女朋友陪咗你十幾年重想點？」
丁：「妳唔係真係date back返去到兩歲嗰陣呀？重有，妳知唔知道追女仔先係我哋嘅青春嚟！」
絲：「你咪去追，無人阻你，大把波等緊你揸。」




成長環境確實對一個人有好大影響…我有幸可以喺街轆下轆下轆到而家咁，而唔係好似傻仔健咁同女仔講幾句嘢都會口㗧㗧已經好好彩。
丁：「我先唔制，妳食仔易過我溝女咁多，到時妳重唔報仇咁報？」
G：「對住你兩個，我覺得係搞離婚比較適合…」
Q’：「奉勸兩位…萬一邊邊出咗軌，記得好好溝通，我唔想見到發生任何不幸。」
絲：「放心，我已經等咗呢一日好耐。」
丁：「放心，我都已經申請咗好耐，但我要求公平待遇，一對一先可以扯返平，講返正題先，嗱，其實妳哋又唔使咁擔心嘅，如果驚自己條仔非禮其他女嘅話，咁妳專登唔好贏咁多就得，而如果妳唔想畀人非禮嘅話，最簡單嘅辦法就係唔好輸，係咪好公平呢？」
我發覺越係叻或者有見識嘅人，歪理就好似越多，明明無乜邏輯嘅嘢都可以俾佢哋講到好有說服力，奧丁呢啲明顯超越瘟神好多。
Q‘：「呢度我最大，無理由話唔玩得嘅，係驚你哋覺得我無肉蝕咗啫，所以妳哋話事啦。」
Y：「好閒啫，我無所謂，頭先妳已經非禮咗我，等我叫男朋友幫我報仇先。」
絲：「我而家贏緊幾十蚊，唔想益個衰人，大家畀心機打食我牌，最好等啲唔識珍惜我波波嘅人激下氣。」




丁：「我先無咁小氣，如果唔係就唔會提出啦。」
Y：「如果我贏妳輸嘅話，係咪由我揸奧丁心口都得。」嘩，YY做乜咁大膽㗎。
絲：「妳喜啦，反正我都視佢心口如無物。」
咁係咪即係我唔會揸到蜜絲嘅健康奶…
啲女都癲癲哋嘅…唯獨剩返一個…