絲:「無用呀你!明知人哋做筒子㗎啦!」
丁:「大佬!咁我唔啱使吖嘛,留嚟煲醋呀?!」
絲:「好,而家女朋友輸咗喇,安樂晒啦?」
丁:「有乜所謂,妳咪同Xavier佢玩下囉。」
絲:「哼!係你講㗎咋,唔好後悔呀下。」
全靠奧丁嘅進諫,睇嚟我可以摸勻晒呢度啲女。
丁:「得啦,隨便玩,老公話嘅,如果到時YY追斬妳唔好叫我救。」
Y:「唓,我先無咁小氣,呀爽去抽奬品啦。」
於是我抽完交返畀蜜絲,Queenie同佢一齊睇。
Q’:「除褲畀人打pat pat廿下,要痛到叫出嚟嗰隻,嘩咔咔咔!妳真係蝕咗喇!我就同男仔惜惜,妳要畀人打屁股,哈哈哈哈哈!」


真係唔好飲咁多酒,細蚊話嘅…
丁:「啱喇,Xavier幫我修理下呢個女人,平時佢都囂張得耐,今次可以大快人心。」
Y:「哈哈哈哈哈,你自己唔敢打就借刀殺人!」
丁:「喂!真話唔好講出嚟呀,呀妹…」
絲:「打咪打,我好硬淨,唔會喊嘅。」
Y:「有廿下咁多,我分五下唔會好過份呀可?」
絲:「是Q但啦,快快脆脆,我下圈要覆桌呀!」
我:「妳鍾意嘅話其實送晒畀妳都可以。」打一個三唔識七嘅女仔pat pat,我興趣不大,如果QQ就話啫,或者公主呢啲串串哋會想睇佢喊。
Y:「咁又唔好,始終個江山係你打返嚟。」
話口未完,蜜絲佢就趴咗喺張麻雀枱上面趌高個蘿柚準備受刑,我想講佢個pat真係好靚,又圓又翹,該脹嘅地方脹,該收嘅地方收,成個啤梨咁。


丁:「要畀人打pat pat就除褲啦!」
作為男仔,我都寧願自己條女輸畀人打pat好過打茄輪嘅,個感覺幾爽,而且事後又可以呵返佢。
絲:「㖿!好肉酸呀!唔制!」
丁:「平時床上面又唔見妳咁婆媽!等我幫妳!」
絲:「喂!做乜除咁多!唔准呀!人哋睇晒喇!」
丁:「夾實隻腳咪睇唔到囉!」
我開始分唔清佢兩個嘅關係到底有幾好,而家係咪喺度耍緊花槍,只係知我嘅集中力已經去晒嗰對近乎完美圓形嘅屁股上面;奧丁好似方死女朋友唔會俾人睇蝕咁,係咁用力扯住佢一邊條褲想拉到落膝頭,蜜絲就搏命咁拉住另一邊,極其搞笑。
唔通天神有暴露女朋友畀人睇嘅傾向?就好似中世紀啲神話雕塑同名畫咁,個個女神都唔鍾意著衫…當然,我都要比較下啲屁股嘅,可惜嘅係YY同Queenie都著住短褲,太大力昅公主又好似唔係幾好,雖然佢屁股都好正,薄係薄咗少少,但由於隻大髀非常纖巧,所以股底線都係非常靚。
Y:「哎,我哋先係贏嗰個喎!等我嚟開封啦,大家都係女仔知道點樣除先唔會俾人睇到。」
已有 0 人追稿