絲:『有人被罰餓咗一個月。』
A:「咦,咁大鑊?餓一個月應該香咗㗎喇喎。」
丁:「無啲咁嘅事,只係齋戒一下,修心養性。」
絲:「係呀係呀,唔知邊個日日忍到跑上山溫書呢,呀可?」睇嚟呢個係我溫多咗書嘅原因。
丁:「妳唔好話由兩歲開始餓咗我十年?!」
絲:「收皮啦你!今晚無嘢食呀你。」
丁:「今日已經食飽咗,聽日先再食!」
A:「好,總之係無分,下一題!女朋友最鍾意嘅音樂家,但係唔准答係我!」
絲:「有乜理由喎,喺呢度答你最安全嘛。」
Q’:「咪係,你唔係諗住我哋拍拖會謦音樂呀?」


H:「雖然我唔同意你係音樂家,但俾著我都會想答係你。」Helen行過去搭住佢膊頭,好似只有當對住佢嗰陣先會做返女人,對住其他人就會變做阿媽,唔通佢係人妻殺手?
C:「咪玩啦,叫得音樂家,多數已經往生…」
我完全無興趣探討佢哋對音樂家嘅理解,雖然我都知音樂書出現得嘅人應該都瓜晒;音樂家…直接啲,簡單啲,憑我所知,莫札特,貝多芬,蕭邦,最出名都有三個喎,QQ講過佢鍾意李斯特,但呢個時候知呢啲都無用,亂撞都好難咁啱撞中;然後我望住YY,諗到啲嘢,係喎,佢係拉小提琴嘅,咁我學過嘅…應該就…你啦!
G:『Yoshiki。』Q’:『Yoshiki。』
A:「呀,分明自己無就答老公嗰個,算!」
公主佢哋答錯,無乜特別。
丁:『佢會揀Lizst,我唔屈服,Rachmaninov。』
絲:『Lizst but not Rachmaninov.』
日日都打對台,睇怕打風都打唔甩,出軌都難。
我:『韋華第。』Y:『Vivaldi.』


A:「咁悶㗎你哋,不過係啱嘅。」
我同YY對望一眼,互相微笑,原來我同佢都幾合拍㗎喎,哈哈,雖然應該無乜大作用…之後團長又問咗幾題無謂嘢,我哋都安然度過無被懷疑情侶關係嘅真實性。
H:「喂,個滑梯充好氣可以玩喇!」
A:「好!但等一等,而家係時候測試各位男朋友嘅體能喇!嗱,嗰邊有嚿大石,你哋由滑梯開始出發,鬥快企喺嚿石上面就贏!」
驟眼望落去塊石都三四百米遠,同我頭先載公主返嚟嘅航程差唔多遠,雖然游水就唔係問題…
C:「呀團長,我哋無可能鬥贏奧丁㗎喎…」
已經有人點出問題癥結所在。
A:「奧丁,讓佢哋隻左手得唔得?」
丁:「無問題吖,如果信唔過我可以綁起我隻左手。」咁串嘴?佢以為自己真係頭D主角?
不過再望下佢排腹肌,就知呢個係唯一辦法。


A:「唔使,大把人望住你唔會出貓嘅。」
P:「唓,就算你贏到佢咪又係輸比其他!」
C:「咁…輸都有分輸個馬鼻同輸條街嘅。」
已有 0 人追稿