A:「事不宜遲,四匹名駒同我入閘準備,由前至後,一號Charles,二號Gabriel,三號Xavier,四號Odin,第一屆最佳男朋友打吡大賽開始!」
我都唔明點解我哋幾個真係會咁聽團長話乖乖企喺條瀡滑梯前排隊,可能佢真係自然咁散發出領袖嘅風采,揸住枝筷子就可以點幾十條友做嘢。佢呢個排位可以話放水畀呀Charles,但在場嘅所有人應該都覺得合理而無反對,反正差一兩秒啫…
C:「呀呀呀!」原來Gabriel粒聲唔出已經抱住佢一齊瀡咗落去。
丁:「今次我唔會再輸比你。」
做乜喎,我好彩贏咗你條女個pat pat啫。
好耐無喺海游過水,嗰種一跌落去沉一沉掂唔到底嘅感覺唔係幾慣,不過我撥咗兩下好快就划返上嚟;睇到Charles喺前面游緊自由式,都幾快下,希望佢啲耐力好過公主啦,Gabriel就喺後面緊緊跟住,雖然佢動作頻率唔高,但睇得出係有內勁力度,每青蛙推一下都會滑前一大段距離。
丁:「咦,你都幾認真㗎喎。」
我望一望佢,打側身望住左手邊嘅我,個頭重要長期喺水面,好輕鬆咁同我講嘢,而隻左手就攝咗落佢條sport short入面,平衡都唔使。
我:「你識拯溺嘅?」我爹地長年累月都喺水上面,又點會唔識呢啲嘢吖,所以我都略知一二。
丁:「基本嘢嚟啫,如果唔係點救女仔。」


我:「連公主都識游水,睇怕無人需要你救。」
丁:「係囉,真可惜,最想睇其他仔叫我救佢哋條女,然後再俾自己條女鬧佢廢。」
我:「你都幾惡趣味㗎喎。」
丁:「咁係吖嘛,如果唔係做人咪好悶囉,不過我有原則㗎,除非條女肯惜我先啦,如果唔係我唔救由得佢慢慢沉。」
我:「殘唔殘忍咗啲?忍心睇住個女仔死?」
丁:「沉到咁上下會暈,就可以捉返佢上嚟做人工呼吸,哈哈,睇佢重屈唔屈服。」
呢個時候其他人都瀡咗落嚟,有啲上咗香蕉船,有啲攞咗㗎膠艇仔,重有浮床,最過份嘅團長同Helen媽霸咗架水上電單車,Helen坐喺後面攬到實一實,完全唔介意自己個心口會哽到人哋。
得返上下兩截泳衣嘅Helen,好有女性美,白滑嘅屁股同埋大髀比較多肉,最適合做婦科護士,擘大隻腳教其他女人點樣控制呼吸用力生個仔出嚟…又或者好耐都扑唔出BB嘅,就搵佢指導下行房技術,睇下邊個深度同角度最易受孕,亦可以幫助一下個男嘅點樣喺正確嘅時間水銀瀉洞。
我:「使唔使呀,你唔怕女朋友嬲嘅話大把女埋身啦,輪都輪到佢哋幫你做人工呼吸。」
丁:「呢啲女唔好玩,都無挑戰性。」
已有 0 人追稿