我怎可能是女神👸🏻獵人🏹（第一季更新至斷更為止）: 896

我：「乞嗤！好好…女朋友乖，寶寶乖。」
無計可施之下我唯有當街攬到佢實一實，等佢有被愛嘅感覺，再惜佢左邊面同右邊面。
我：「YY，我鍾意YY，女朋友正正子，靚女又可愛，溫柔又體貼，有前有後水蛇腰，白白淨淨無性病，嫩滑多水深又窄…」我當然順勢拉高佢件衫摙下佢個pat。
Y：「正經啲啦，仆街仔。」佢反一反白眼，但無特別嬲，對住佢講鹹濕嘢好似重安全過話要返屋企。
我：「噢！我嘅女朋友，實在太正…啜卟…究竟我幾時先可以娶妳返屋企？好想晚晚攬住妳瞓，一齊做啲唔見得人羞於啟齒世風日下嘅事情…」
Y：「係咪真架？」佢竟然對住我笑？認真？
我：「可惜…我實在無能力照顧妳…」
Y：「咁咪等你有先囉，然後再嚟世風日下，不過其實有乜咁世風日下呢？」
無㗎，我日日都話QQ世風日下㗎啦，咪又係咁。
我：「可能因為玩得太癲所以就叫世風日下？」




Y：「一個未成年男學生窩藏一個未成年少女喺屋企同居就真係世風日下喇。」佢一路講一路㧻我個肚。
我：「咁…女朋友，我哋而家有乜做？」
Y：「吖，你係人哋男朋友嚟㗎，梗係你諗㗎啦。」
係囉，我係人哋男朋友，不外乎去後樓梯，天台公園，停車場暗角，殘廁…唔係，唔得，去殘廁其實好危險，今朝先領教過，我要當自己同緊一隻老虎拍拖。
我：「妳食得落嘢未？頭先玩咗咁耐水我已經餓返。」
講真頭先啲嘢食就接近無限量供應嘅，如果唔係臨尾團長又點會要整熟晒啲食物，只不過我為在等人哋覺得我清高啲所以唔算食得多嘢…搞到我好似學咗港女係都要食剩兩羹飯喺隻碟嘅陋習咁。
Y：「嗯，可以呀，而家都已經七點幾。」
唔經唔覺就咁夜，唔知QQ係咪同男朋友食晚飯呢？定係一個人喺屋企唔知做緊乜…希望佢會有少少掛住我啦，返到去可能重要作故仔解釋我去咗邊度。
我：「咁妳有乜嘢想食呀，女朋友？」
Y：「男朋友話事就得，我知你識揀嘅。」




妖，死港女…先唔講菜色，首先環境唔可以太差，多油煙唔得，會俾人偷聽講嘢唔得，坐得唔舒服唔得，食完會俾人趕走唔得，衛生水平唔夠唔得，太多麻甩佬去唔得，油膩熱氣唔得，太少選擇唔得，cheap得滯更加唔得…
我：「我想confirm下，真係食乜都得？」