我怎可能是女神👸🏻獵人🏹（第一季更新至斷更為止）: 902

我：「吓…我平時夾開文具鋪啲一蚊機咋，呢啲點同…」
Y：「唔緊要啦，我有幣，你夾到有為止咪得。」
我：「咁大個女重要公仔，妳屋企無咩？」
Y：「成床都係。」我可唔可以成床都係女？
諗返起QQ呢半年都只係靠同隻吉百利豬維生，無再增添過任何成員，我都好佩服佢嘅忍耐。
我：「妳鍾意囉，唔怕嘥錢嘅話。」
Y：「一係咁，如果你一百個幣都夾唔到就要罰。」
我：「咁強人所難㗎，罰乜嘢先？」
Y：「罰你矇住眼，用口服侍我心口好唔好？」
我：「我有無聽錯，呢個唔係奬勵嚟嘅咩？」




Y：「喂，要服侍得我舒服，而唔係俾你過癮呀！重有，就係你絕對唔可以掂自己嗰度。」
我：「睇小我咁話，我一早就百忍成仙。」
望咗幾部機，啲大公仔無乜人夾，唔入返二三百個幣都幾難出嚟…sorry，係扣credit，已經唔使入幣。
我：「咦！呢隻Kuromi有人夾過喎，近咗個窿。」
Y：「低B，呢隻唔係Kuromi嚟㗎，望清楚啲個樣先！」
我：「件衫肯定係Kuromi，但個表情唔同咗嘅？」
Y：「佢係偷咗Kuromi件衫嚟著嘅Melody嚟㗎。」
我：「咁妳鍾唔鍾意？我有信心夾到呢隻。」
Y：「都OK嘅，起碼係common女仔嘢，唔係啲奇怪公仔，雖然我鍾意鼠鼠車車多啲。」佢望去隔籬。
我：「唔好啦，好難夾…妳鍾意Kuromi多啲定Melody多啲？」QQ講過，只有以前最close嘅friend先知佢叫Kuromi，咁YY係咪應該唔會知？




Y：「嗯…對住你嗰陣應該係Kuromi，同真男朋友拍拖嗰陣就想做返Melody，無所謂啦，兩隻都係好朋友嚟。」
呢個…同我嘅認知好似有少少差別，雖然我無睇過套低B卡通，但印象中都好難稱呼佢哋做好朋友。
又或者，好朋友嘅全寫就係好虛偽嘅朋友。
我：「OK，賣Melody。」我惜咗佢額頭一啖。
Y：「嘻嘻，就等我幫你夾一下先。」
佢諗都唔諗就插卡，㩒完A制就㩒B制，當然係乜鬼晒，然後個鉗尖一嘢插落隻Melody個心口，殘忍得佢…果然夠晒Kuromi，唔差得過我屋企嗰隻。
我：「唔好再夾喇，一陣你㧻返入去我就唔使夾。」
Y：「吖，人哋想玩下先吖嘛。」
我：「咁嚟啦，我教妳夾一下啦。」所謂嘅教，即係我喺後面攬住佢，捉實佢隻手指仔嚟㩒嗰兩粒制。
Sorry，唔係手指仔，係十隻識拉小提琴拉到好勁嘅手指；明明玩樂器難過夾公仔n咁多倍，都唔明佢哋點解會唔識夾，又唔見佢㩒錯線或者唔啱timing？




Y：「咁呢下當係你開始咗㗎喇。」
我嘅下半身貼住咗佢嘅屁股，但完全無損我嘅專心致志。
Y：「唓，你咪又係咁，都夾唔起隻公仔嘅。」