我怎可能是女神👸🏻獵人🏹（第一季更新至斷更為止）: 903

我：「係夾唔起㗎，啲鉗唔夠力又大得滯，係靠抬起隻公仔嘅一邊嚟褪郁佢，最後就會跌落個窿。」
都唔知係好彩定唔好彩，我九下就搞掂咗。
Y：「Yeah！有Melody！」隻公仔唔太大，大過佢隻手掌少少，佢攞喺手上好似好開心。
Y：「男朋友叻叻！多謝你，惜啖先。」佢嘴落我面度。
我：「點呀，女朋友今日玩到夠皮未？」我順勢抱住佢嚟問，由於我哋嘅假關係，好鍾意叫對方做男女朋友。
Y：「嗯，都差唔多係時候要返屋企。」佢望住我，好似有少少唔捨得咁，大佬妳唔係想戲假情真呀？
我：「咁…我哋而家返去locker度攞返啲嘢先。」
我拖住佢行，佢嘅步伐都幾輕鬆，明顯比今朝開心。
一打開locker，唔使問，啲嘢即刻迫到跌返晒出嚟；然後我攞住兩大袋嘢同我個背囊又去返令朝個殘廁。
我望住塊鏡入面嘅自己，竟然有少少唔捨得。




Y：「除衫啦，低B仔…望住我做乜喎？你…唔係嚟到呢個時候諗住打我主意呀？」今日玩足成日，一早已經攰到唔識打任何主意，不過如果有得食咯…都係唔可以食㗎！
我：「傻啦，我點會咁對我嘅女朋友呢。」
除衫，著衫，所有嘢都要打回原形，明明一樣都係T恤，背脊多個交叉真係好似護身符咁，個人都定啲。
然後就除褲，事到如今已經唔再驚佢嘅任何嘢。
出嚟啦！比卡超！唔係，係食夢獸至啱，佢可以將一切綺夢入面嘅女人食晒落肚，再嘔返一堆白膠漿出嚟。
我：「睇下妳男朋友幾乖，點會喺呢個密室入面對一個手無寸鐵嘅女仔乘虛而入，霸王上弓，辣手摧花呢？」
Y：「見到喇！都唔使喺我面前捹嚟捹去㗎！」
我：「唓，妳唔知醜我咪唔知醜囉。」
Y：「我剩係知道你而家好醜。」
我：「有乜所謂，喺女朋友面前幾醜都得。」




咪玩啦，有乜好醜喎，今日隻食夢獸俾公主妹妹玩到變大岩蛇咪又係咁，都唔知幾威！
我赤裸住下半身，惜咗佢嘴仔一啖，佢塊面瞬間變紅咗…我知道，呢下係真感覺嚟；如果再落多幾錢肉緊玩埋落去係會出事，所以唔可以再喺呢個密閉空間培養感情。
以我哋嘅background嚟分析，就算唔係真愛都隨時可以情迷意亂，擦槍走火，焉入虎穴，唔好再諗。
Y：「著褲啦，係咪想俾人閹呀…」
換晒衫褲鞋襪之後我又變返個不折不扣嘅屋邨仔，而YY就好小心咁摺埋啲衣物放入膠袋度。
我：「咦，我個銀包BB呢？」
Y：「呢度呀，都唔知你緊張啲乜，我唔會攞走你張五嚿水做伙食費喇。」其實本身預咗出錢同佢玩…
我：「乜五百蚊就夠伙食費㗎嗱？」
Y：「你就夠，剩係夾船租就或者得。」
於是我又過返晒啲嘢去自己銀包，真心唔明點解一個咁普通嘅紅色銀包可以賣到咁貴，而我亦當然原封不動咁留返晒啲錢喺入面。