我怎可能是女神👸🏻獵人🏹（第一季更新至斷更為止）: 914

我：「唔同嘛，例如妳團友個Quennie姐姐，嗲佢會覺得好開心，但對住屋企嘅QQ，感覺又會…總之唔同啦！」
簡單嚟講就係我仆街，我花心，大細通殺。
Y：「PK男朋友可唔可以唔好喺我面前成日提Queenie呢個名呢？」唓，家陣扮呷醋呀，妳咪又係咁講仔。
我：「YY妹妹，愛妳。」我啄佢嘴唇一下。
死火，相處咗咁耐，都真係有咗少少感覺…
Y：「算你啦，低B仔，咁…俾你再答多我一次，如果有得同我做愛，你打算點。」
我即時反應係攬到佢實一實，就連下面都秒硬返，如果真係要做…我認為兩個人都係有愛好啲，齋扑好難有feel。
我：「YY，我梗係好想同妳做愛，好想入去妳嘅身體一齊亂嚟，其實妳都係好正，而且我已經餓咗好耐，餓到以為自己有個錯覺就嚟變返處男…不過，妳有男朋友㗎喇，又唔係鬧架鬧到分手，我覺得咁樣笠頂帽畀人哋其實唔係咁好，因為自己都承受過…妳可能會認為我讕係乖咁係博QQ鍾意，以為自己無同其他女仔攪三攪四就會俾佢睇得上好白癡，我點會咁天真喎…其實QQ一路以嚟都有叫我唔使理佢，鍾意就去溝女，隨便去扑嘢，我唔知點解佢會咁講，可能係怕我浪費無謂嘅時間喺佢身上…而我真係成日送佢出門口去拍拖，如妳所料佢係會同男朋友玩得好開心，初初我真係當佢friend㗎咋，女神喎，鍾意嚟托咩，盞玩死自己，所以無乜感覺，後來我個心真係覺得好唔舒服…當你對住一個仙女，就算抗拒到一見傾心，都好難防止到日久生情，尤其…係佢重可以不停咁同我分享同男朋友拍拖嘅事，不過我已經認清楚，佢男朋友一早就同咗佢一齊，佢哋嘅事同我完全無關，所以我唯有接受等自己心理好過啲…反而佢走去約瘟神我就真係有啲嬲，明明都已經有男朋友啦，但我又無乜資格去話佢曳…其實我知㗎，或者我做啲乜都唔會有影響，妳哋出身優良為乜要睇得上我呢個平凡人，無論點諗都可以有更加好嘅選擇…不過呢，既然開咗個頭，我唔想做返以前嗰個亂七八糟嘅交叉仔，就算佢對我無意思，都唔想佢覺得身邊有個不知所謂嘅男仔同佢一齊住，所以我應該唔會再亂搞男女關係…如果有個好嘅女仔出現，甚至可以令我唔記得QQ嘅話，我應該會好認真咁對待佢，到時我就可以光明正大咁同佢介紹返我嘅女朋友示威…不過妳都知，我而家成個心都係邊個，所以算吧啦，可以日日對住我已經心足…所以，YY女朋友，多謝妳嘅好意，暫時嚟講…對唔住。」