我怎可能是女神👸🏻獵人🏹（第一季更新至斷更為止）: 928

我：「嗯，咁好聽嘅，重彈緊琴？」
Q：「放暑假，無乜嘢做，係時候練下琴。」
我：「妳彈到咁多歌都重要練？」
Q：「都話你唔識，平時嗰啲係攞嚟呃小朋友。」
我：「又好似係，妳而家彈緊嘅複雜好多。」
Q：「呢首係DJ okawari嘅flower dance，只不過得四個八度我諗唔到可以點arrange。」
我：「係咪…無咗好多高音同低音，彈唔到好多嘢？」
雖然我唔識音樂，但都明少少邏輯上嘅嘢。
Q：「簡單曲目嘅話keyboard可以用shift同split彌補，但係對於啲密度咁高又咁闊嘅譜，實在係無能為力…係嘞，我啱啱喺IG度發現咗啲得意嘢，諗緊畀唔畀你睇好。」
我：「係動物片？」我詐傻扮懵。




Q：「係女人嘅相。」都係動物嚟啫。
我：「咁就梗係要啦！」
Q：「嗱，啲女人忍唔住喇。」如我所料，佢畀我睇嘅就係我幫YY影嘅性感相。
我：「嘩，做乜咁賣大包…」因為係我慫恿出嚟嘅。
Q：「應該係佢男朋友影嘅，睇嚟佢哋已經嗌完架。」
前面嗰句無錯，後面嗰句正確，加埋一齊係無從判斷。
我：「理得佢，我哋呢啲都係有得睇就睇。」
Q：「衰妹吖，咁開心去船P，重要一下子就拉高咗個尺度，唔通我都要解放下嚟反擊？」
我：「有無諗過妳平時直播嘅衣著重誇張過佢？」
Q：「咁點同喎，又無人知我係邊個，就算除晒都係咁㗎啦。」妳係先好講，我期待中。




Q：「而家好多同學睇住佢幅相，係另一回事嚟。」係嘅，所以好多日本女仔只要戴住咗眼罩，就拍AV都得。
我：「咁又係，樣又出晒，得咁少布，用啲移花接木Apps改兩下，deepnude完放上網隨時身敗名裂。」
Q：「好心咪咁變態啦，雖然佢對你有啲衰，但就算唔鍾意人都無理由咁整佢㗎。」佢對我…直頭衰到貼地啦，如果我鍾意佢嘅話可能已經一早扑埋。
我：「所以妳唔好學佢放呢啲相上網。」留畀我睇就夠…
Q：「呀，你隻手好似好傷…」佢捉住我隻滲血水嘅手嚟望，彷彿好似佢唔係一個加害者咁。
我：「唔緊要…小小皮肉之苦…」
佢攞起我手臂，惜咗個傷口一下，就連後面嗰四個印都惜埋，女人嘅心情…實在係變幻無常。
Q：「應該無咁痛喇，唔準再黐埋去啲不知所謂嘅女人度呀！」啲不知所謂嘅女人咪係成日喺妳隔籬嗰個囉。
我：「唔會啦，如果我要黐早就唔係而家呢個款。」
Q：「快啲瞓啦，你今日玩咁耐實好攰，聽日重要比賽㗎。」