我怎可能是女神👸🏻獵人🏹（第一季更新至斷更為止）: 945

傻仔健急起直追想掹住瘟神件衫尾，最多阻人前進博張黃牌，可惜佢鬥唔過瘟神嘅衝刺，隊長連跑帶撞一下就送咗粒波入對面球網。
攰…攰死我…呢兩日都係咁，我只係想收工放暑假。
接近虛脫嘅我坐咗喺草地度，第一時間望去Bubble…
嘿嘿，今次妳重唔…但我發覺有啲唔對路，觀眾席上面好多人望住我，所以我都係望返個場。
「Yeah！社長型仔！」「瘟神勁抽！」「紅社sure win！」係觀眾反應慢？定我攰得滯聽覺delay咗？總之係咁…啲女人又話背叛幫綠社，結果…呸，女人邊信得過！
瘟：「Good job！撐多陣就贏㗎喇！」
佢伸手拉返我起身…你係隊長，型嘅留返畀你啦，幫你搭埋炮台又點話，最緊要唔好纏擾住我嘅QQ。
返埋位，總覺得有啲視線死光射緊落我度，我忍唔住望一望上看台，見到Wendy嘅心心眼…無嘢嘅，專心踢波。
落後一球之下，綠社並無氣餒，繼續力挽狂瀾咁反攻，就連個中鋒都識死開始前後走來走去，而Bubble姐姐就更加企喺條邊線上注視住每一位隊員，用佢嗰對愛美神飛彈發出念力控制球場上嘅一舉一動。
如果入到波QQ就係我嘅，我一定會繼續死命咁踢。




唔緊要，守到落去就贏，今晚同QQ食餐好，但我都唔知道有無得坐佢隔籬，其實我最想食唔係啲乜美食，係將妳食落肚，唔使妳接受我，我會好溫柔咁食咗妳…
不得不承認瘟神嘅腳法明顯係較好嘅一個，雖然對方嘅努力可以化解到我哋嘅攻勢，但並未造成太大威脅，右衛亦都好隱打隱札，所以我只要喺左手邊死死咁吊死阿健，問題應該唔大；Bubble放心啦，雖然妳未經人事，但俾人揸波波好閒㗎咋，我俾女魔頭玩雞雞咪又係咁。
唔經唔覺，時間只係剩返十分鐘唔夠。
瘟：「爽！」瘟神大聲叫我。
係，乜事？！傻仔健衝緊過嚟？
唔見喎，我向前一望，只係見到對面嘅右衛，再向左少少就係我哋嘅左衛，到瘟神，傻仔健呢？弊！仆街！
原來啱啱我哋一下進攻俾對面解圍直飛中線，我即刻望去右邊，對面嘅左鋒，阿健，同中鋒三人並排向前跑，而佢哋前面只係得返右衛！今次撚大唷喇！
瘟神雖然搏晒老命跑返嚟回防，但個死人中鋒大大份左右飄，明顯地係要拖住瘟神嘅步伐；然後阿健同左鋒做咗個好靚嘅閃電平排撞牆傳球，由於係平排所以無越到位，話咁易就過埋我哋個右衛，阿健已經單刀嚟到禁區角嘅位置而我哋嘅龍門選擇咗衝前包閘，相距唔夠兩米…