我怎可能是女神👸🏻獵人🏹（第一季更新至斷更為止）: 952

我：「我相信妳唔會同其他人講，佢亦都唔想俾人知…但係，我同佢就只有朋友嘅關係，我哋無做啲過份嘅嘢。」
住咗咁耐嘅異性朋友，拖手惜下攬下算係朋友之間嘅正常互動掛，應該係？我始終無對佢做啲衰嘢。
W：「好想望下個size牌…」
我：「好似唔係幾好…PE堂換衫唔係會睇到嘅咩？」
W：「我都係女仔，唔會咁樣侵犯佢私隱嘅…我同佢唔係話好熟，唔通專登行去佢背脊睇咩，嗰幾粒字細到咁，不過呢，好白，好滑，有彈性，堅挺集中。」
我：「妳形容得幾準確。」
W：「當然啦，每一個女仔都想自己係咁。」
我：「咁妳都發育得好唔錯吖。」
佢有少少扁嘴，但又保持微笑，好似有種無能為力嘅感覺；其實點止妳咁諗，我望住佢都覺得自己好無能。
W：「唔怪之得你要去返parttime啦。」


我：「咁，作為朋友點都要幫下手嘅，能力所及嘅話，佢話第時會還返畀我，哈哈…呀，不如妳坐下先，我成身大汗去沖個涼。」
W：「嗯，慢慢，我等你，放心，我唔會掂佢啲嘢。」
嚟到咁嘅關頭，Wendy重點會理我有無汗味，只不過我就點都要沖涼㗎啦，梗係想用個最乾淨嘅狀態嚟見佢。Wendy…我點會唔鍾意妳，我對妳都有性幻想，如果俾著我以前，妳咁樣上我屋企，我好可能涼都唔沖就直接攬住妳，對妳上下其手，一路惜妳個嘴仔，揭起妳條校裙伸手入去除走啲阻頭阻勢嘅嘢，如果無反抗就推埋妳上床，擘開妳嘅大髀，望清楚下面到底有幾茂密，然後就為所慾為咁去享用我嘅學生妹大餐，聽下妳失貞嗰一下嘅痛楚會令妳嗌到幾大聲，最後用第一次唔好嘥又忍唔住嘅原因乜鬼都唧晒入去。因為妳鍾意我，我做乜都係應份嘅。
可能我嘅思想重係保持住咁淫穢不堪，但識咗QQ之後理智已經制止咗我去任意妄為將慾望付諸實行，而家嘅我就連令細蚊唔開心都唔想，更何況利用妳對我嘅心意…
呀，死火，一時慣咗剩係攞咗條波褲同T恤入嚟…
算啦，呢刻嘅心情我都唔會有乜反應，由得佢啦。
抹好身著返衫褲我就行出去，Wendy望落好正常咁坐咗喺張梳化上面，我真心唔知佢諗緊乜…或者到有一日我同QQ表白，QQ再多謝我，讚我係一個好人，我就會明白晒。
所以我佩服妳嘅勇氣，而我只係拖字訣同逃避，我實在係唔敢乜都攤開同QQ講，怕影響佢喺度住嘅心情重有同男朋友嘅關係，更加面對唔到自己點樣繼續做一個好人。