我怎可能是女神👸🏻獵人🏹（第一季更新至斷更為止）: 966

「正呀！就咁話啦！」「社長萬歲！」「掂呀，咁嘅狀態去食，大排檔執笠都似！」「執咗我去邊食lunch？！」
我：「咁就，七點鐘OK嘛？大家返去沖個涼抖一抖先，陣間我要見到晒所有人整整齊齊開餐㗎！」
「好！」「YUSH！」「陣間見！」
好多謝你哋，可以喺我執政嘅最後一日都為個社仆心仆命，等我感受到我呢個所謂嘅學生領袖係有存在意義，唔係擺喺度得個樣，用今日呢場比賽嚟為我嘅社務做總結，實在係最好不過，而我亦都終於可以放低呢個擔子。
呢個時候，我見到一個少年呆咗咁企喺度，神情有啲失落，同其他人嘅反應有一個幾大嘅對比。
我望一望佢，佢望返過嚟又避開，有啲尷尬…
我：「阿健，你踢得好好，盡咗力就得，睇到你喺球場上面踢得咁投入，我好開心。」我搭住佢膊頭鼓勵佢。
健：「嗯…多謝社長，今晚見啦。」
佢望住我嘅神情有啲閃縮奇怪，係因為輸波唔開心？失咗十二碼覺得罪咎？定係因為其他…我唔知嘅嘢。
佢講完呢句就無乜表情咁走咗，我記得死人爽講過佢今日會有啲特別，但除咗唔開心之外我都睇唔到啲乜…




當我正想搵呀爽問下嘅時候，我見到佢喺度同緊個女仔打情罵俏，個樣開心到…唉…
我寧願阿健好似爽呢啲曳曳仔咁，捉我入去球場殘廁揸完一輪了咗件事就算，好過搞到我而家喺度不停咁諗。
黐線！我做乜要喺度煩點樣畀人揸波？我係咪傻咗，如果佢無反應嘅話我咪乜都唔使做囉，係咪，我又唔使主動行埋去問佢想唔想揸我對波嘅…
而且，我而家重有正事要做；散咗場之後，我一個人行返去學校先，等咗陣就見到瘟神入嚟雨天操場搵我。
瘟：「麻煩晒師姐呀，要妳特登返嚟學校畀我。」
我：「應該嘅，行啦。」
本來，重諗緊個天係咪會無情白事跌六千蚊落嚟畀我請佢哋食飯，結果證明咗我太過理想同天真；咁都好嘅，自己又無付出過啲乜，就咁收咗人哋咁多錢都會唔好意思。
我哋上咗去社務間雜物室，打開綠社個locker，攞個夾萬仔出嚟解開，抽走上面個散銀tray同銀紙兜，喺個底度攞咗六張一千蚊紙出嚟交畀佢。
瘟：「師姐果然係非常小心呀。」佢接過啲錢。
我：「梗係啦，六千蚊唔係小數目嚟㗎喇。」




瘟：「多謝晒，咁我走先喇。」
阿爽講過如果我個社輸咗嘅話，瘟神就會放過我，正如我而家眼前所見到嘅一樣；只係…瘟神佢知道我知道佢會放過我？而佢又因為乜而放過我呢？
我：「Vincent，咁我個賭注…」始終敵不過好奇心。
瘟：「由得佢啦，都係玩下啫。」
吓，大拿拿二千蚊，咁樣叫玩下？
我：「玩下…咁唔係應該叫我找數㗎咩？」