【代糖故系列】《她被寄宿到屋邨男孩的家中》: K38

嗯，對我嚟講多少又唔係問題，得一個QQ就夠啦，可能…
再整多幾個韻婷嚟，或者再靚啲，我都唔知點把持。
我：「原來係咁，呀，我記得阿健講過好似Zilvia呢啲先係好女神嚟㗎喎。」
健：「乜…乜喎，唔好老屈我好喎…」
Q：「咁又係呀，我呢啲咪係壞女神嚟囉。」
我：「妳唔係壞女神，妳係壞掉嘅女神。」
Q：「你係咪唔想返屋企喇？Zilvia係好吸引嘅，又高又瘦又斯文，一頭長長嘅秀髮，而且無男朋友，不過…佢嘅話就唔好諗喇，人哋唔鍾意男仔黐埋去㗎。」
我：「所以咪係好女神，唔似得妳壞掉。」
Q：「我呢，就勸你今晚唔好返屋企，以免小雞壞掉。」
我：「OK呀，我放工返嚟都已經聽朝，無事嘅。」




健：「唔好同我講女神啦，我只係想做個普通人…」
我：「無問題吖，你已經係，崇拜女神就係我哋呢啲平民百性嘅義務，男神嘅話留返啲精力食民女好過啦。」
健：「係嘞，咁你個韻婷呢？到底有無下文？」
我：「乜…喎，我同佢普通同學…邊有乜特別…」
Q：「你對佢無乜特別，人哋對你特別啫。」
健：「咁即係有啲嘢啦，係咪真㗎？」
Q：「你見條友慌失失咁樣，都唔方清白得去邊啦。」
我：「邊係…我同佢已經做完同學，下年無得同班喇。」
健：「點解唔考慮下同人哋一齊呀？佢唔係幾好女仔咩？你肯追應該實食無黐牙掛，佢點睇都好過你之前個細蚊吖…」你條友明知故問不特止，重要…
我：「兩個女仔都完全唔同！有乜關係喎？！」




Q：「阿健…你唔好問佢啦，佢話享受單身生活，同你一齊…」QQ都知佢講錯嘢。
健：「哦…」死直男，你呢世都唔好溝女喇！同粒足球拍拖就啱晒。不過又係嘅，細蚊初初畀帽我戴嗰排，我都詛咒得佢幾惡毒，直頭想全裸綁起佢攤喺度，叫晒啲兄弟放題顏射到佢成身都係，等妳咁鍾意俾其他人插吖嗱。
但又其實…我咪又係咁想插其他女，插唔到啫…
所以阿健覺得細蚊唔好實屬正常，而現實上亦難言好…
食完飯我哋就出發，有啲中學旅行嘅感覺。
Q：「咁交畀你帶路喇，我哋會跟住你。」
我哋沿住黃大仙小巴站一直向上山方向行，初頭全部都係馬路嚟，阿健就一路望住電話GPS一路行…
QQ呢個時候拖住咗我隻手，我望一望佢，佢就對我伸脷；係嘅，佢講過唔係男女朋友都可以拖手同拍拖，算得啲乜吖，不過阿健喺前面㗎咋，會唔會唔係咁好？但又其實我哋兩個一齊住，喺屋企可以做好多嘢，拖下手唔代表乜，阿健都吹我唔脹。