【代糖故系列】《她被寄宿到屋邨男孩的家中》: K77

好煩，太多選擇叫人點買喎，都唔知邊罐先係最抵最啱食，如果得一個標準二三百蚊罐我都唔怕買罐畀QQ食嘅，但望住面前嘅五花八門…試諗諗，如果你去搵援交妹喎，有晒四大女神畀你揀，QQ五千，YY三千，再加埋韻婷千五，然後細蚊八百…諗得嚟你已經唔想幫襯，因為唔知道邊個先係最好選擇；但我會搵細蚊，因為佢免費幫我揼邪骨…
買顯卡就唔同呢，睇個價錢同跑分嚟買就搞掂。點解無網站幫鮑魚評分呢？係咪因為睇唔到佢哋噴水個樣？
「歡迎光臨呀，係咪幫屋企人買罐頭鮑呢？呢罐抵呀，百鬆啲就有六隻，攞嚟做餸一餐啱啱好。」屌，都明知我係嚟混吉嘅死細路，點解重要嚟攪我喎…
我：「欸…大陸鮑唔係幾啱。」咪當我唔識嘢，平嘢無好從來都係鐵一般嘅定律，唔好諗住平就會跌錢畀你。
「智利鮑吖，二百蚊有找，四隻大大隻！」
我：「其實罐罐都密封晒睇唔到裡面，點先知入面邊隻打邊隻？」呢個問題我曾經都思考過，乜都睇唔到叫人點買喎，成件事就好似盲婚啞嫁咁，一日唔打開都唔知入面龍與鳳，你話十幾蚊罐五香肉丁就無乜所謂啫，小弟曾經買回鍋肉都舐過嘢，入面全部筍差唔多一塊肉都無。
「哦，貴少少呢啲個罐頂都會用雷射印咗淨重幾多同埋總共有幾多隻，你除一除就大概知每隻有幾重㗎喇，放心啦唔會話入面全部都係水嚟。」佢真係唔諗住放過我喎。
我：「欸，其實我暑假中文科專題研習諗住用海味嚟做topic，所以先嚟睇下㗎咋。」肯走喇掛？
「咁呀，罐頭鮑唔可以算係海味嚟噃，過嚟睇下吖，呢度有啲迷你元貝，一百蚊pack，好易煮嘅。」
我：「對唔住，我諗我都係上網搵下資料先再嚟，打攪晒唔好意思…」然後我就急急腳走人。




其實個阿姐係想趕我走吖，定真係想做我生意呢？我唔知，係我認衰仔，細路仔唔識世界，我只係想睇下無聊嘢啫。不過話時話，就算我要買罐頭鮑魚，應該託馬叔叔入貨嗰陣順便幫我買兩罐咁樣會抵啲？點都唔會俾人呃喇掛…
瑤柱…係男人最鍾意做嘅嘢…亦最想女仔幫佢哋做…其實又好似真係唔太難煮，浸開佢，搣開一絲絲攞嚟炒飯都唔錯，點都好過啲急凍海鮮喇掛，返去問下QQ先。