【代糖故系列】《她被寄宿到屋邨男孩的家中》: K81

我：「唔使喇，呢樣嘢…我已經戒咗。」諗返起大卡車上次惡攪我幫我傷口用condom做墊料就傷心，個套落咗喺QQ手上應該已經同男朋友一齊用咗兼且好開心。
送玩具畀佢玩至少可以聽到佢歡樂嘅聲音，我唔想送樣嘢係為咗令佢條仔開心喎…唉，唔知直到而家呢一刻佢哋完成咗幾多Q呢？今勻真係QQ被QQQ咯。
「吓？你係要出家？玩壞咗？定激嬲女仔俾人閹咗？」
我：「我嘅意思係，等大個啲先用…好似好啲。」
「哦，咁你就唔好扮曳啦，嗱，換呢個畀你嘞。」
我：「咪話咗唔要套囉，真係暫時用唔著住。」
「唔係套嚟，lotion嚟㗎，男女都可以用，搽落去會好舒服，玩得開心啲，自己用或者送埋畀條女都得。」
我：「哦…個包裝咁似，即係公仔麪嗰包醬咁。」
「你鍾意啦…祝你成功，激嬲條女唔好返嚟搵我呀！」
我：「放心…一定唔會上嚟麻煩妳嘅。」


「但係買玩具記得嚟搵我呀！唔准去第二間，如果唔係姐姐會嬲㗎，如果有朋友仔買嘢就叫佢哋嚟或者帶埋佢哋嚟啦，買得多嘅話…或者我考慮下親身示範啦！」
我同佢揮揮手就走咗，呢個姐姐真係好服務到吖…睇嚟我有嘢再買嘅話都真係想嚟搵返佢，可惜佢大我咁多，如果唔係都想再繼續撩下佢，做得呢啲鋪應該都係老司機嚟…但論姐姐嘅話又有幾多個可以超越Carmen…有時啲嘢唔試過係唔會知。
最後就落鴨寮街買埋電芯，三蚊粒，五蚊兩粒，十五蚊一排十粒，簡單易明；我買咗一排，check過粒蛋要用三粒，個遙控要用一粒，計落一排應該最少夠玩三轉。
購物完就返屋企，行街其實好攰，點解啲女人會覺得係娛樂嚟？QQ當然重happy緊點會咁快返嚟，我放好啲禮物，將個webcam駁落部電腦開嚟試一試，嗯，見到自己個樣…呢樣產品對我嚟講真係無乜用，我唔想照鏡。本來諗住開個戰機或者貨櫃車嚟玩下，但實在又無乜心情，結果我騎劫咗QQ床上面隻吉百利上我張床度，打側瞓喺度望住佢準備搵周公。
我：「吉百利，你覺得你主人條仔係咪好人嚟？」
佢用清瞮嘅眼珠望住我，表示唔識答我。
我：「你覺得主人鍾意條仔多啲定係你多啲？」
佢唔出聲，表示有自信嘅豬係會多做事少說話。
我：「其實我除咗窮啲，讀書渣啲，無乜額外才能之外，我都唔係差過佢條仔好多啫，係咪？」
吉百利向我表示有口難言，盡在不言中。


我：「你梗係想叫我收皮快啲瞓，唔好發白日夢喇…」
佢額頭上面印咗四隻大字，就係不言而喻。
原來隻豬真係有魔力㗎！望下望下就瞓著咗，瞓到差唔多開工，醒返間屋當然仍然只係得一人一豬，我簡單咁食咗少少嘢就落去開工；大家放心，就算個天畀膽我都唔敢煮咗吉百利嚟食，色膽包天如我都覺得強姦中出埋QQ係安全過打佢頭豬嘅主意。