【代糖故系列】《她被寄宿到屋邨男孩的家中》: K91

我：「我認識嘅workstation係啲好勁用嚟做工作台嘅電腦，點解呢部嘢又可以叫workstation？」
Q：「因為…呢部嘢都係用嚟做production囉。」
我：「嗯，好似真係厚同闊好多，咁就勁啲？」
都算識砌機嘅我，當然知越勁嘅顯卡越大張，要加好多風扇散熱，火牛又要出多兩條電線，所以勁機嘅機箱通常都係大啲，就算iPhone Pro都大部過普通版啦！
Q：「有啲關係掛…佢多好多功能，同埋跟一大堆軟件，不過我諗重點係啲制有槌同數碼鋼琴一樣，而且呢部只係六十一key咋。」跟得QQ多，我都聽過琴，數碼鋼琴，keyboard，workstation呢啲術語，重有乜易叻通，先分嘥紗一大堆…
就好似我哋男仔會講，你重用硬碟打機？我用SSD喇！用SSD好叻咩？係咪M2先？乜打機用碟㗎咩？你隻mouse最高幾多dpi先？有幾多段較？我諗無幾多個女仔聽得明…
我：「個制有槌？我剩係知琴制得黑色同白色。」
Q：「咪即係同你哋打機啲keyboard一樣，有軸咁囉，乜青軸紅軸光軸，手感咪爽好多囉。」
呢個QQ人仔細細乜都識，真係夠晒可惡，除咗中英數文理商之外重識埋晒一大堆無聊嘢…可惜我部電腦個keyboard係無軸嘅，我又唔係玩PVP，又唔係玩音game，揸貨櫃車同飛機呢啲要用手掣玩先舒服。
我：「不過我個keyboard無軸，得我喺佢面前自瀆。」




Q：「好叻咩，夠有我喺佢面前自慰咯。」
或者，你會覺得我哋嘅對話好黐線，離晒大譜，九唔搭八兼過晒火；但搵到一個同自己謦得埋，明知大家都係淫但又可以互相尊重嘅對手實在係非常難得。
我哋先係對望，然後一齊無言，最後笑咗出嚟。
我：「哈…得喇…知錯，我返去抹下個keyboard呀下。」
Q：「識咗你咁耐重嫌你啲嘢污糟咩，嗱，你而家咪去試下㩒啲制睇下有乜分別。」
兩部鑲咗上牆嘅「琴」，我輪流試下佢哋啲制。
我：「嘩，呢部實淨好多好有質感，唔會浮下浮下。」
的確如QQ所講係同gaming keyboard啲軸有得揮，而另外嗰部就同屋企本身嘅分別不大。
Q：「唔止㗎，你試下低音同高音，粒粒唔同力㗎。」
我：「咦，係喎，點解會咁嘅呢？」




Q：「低B，因為真鋼琴都係咁㗎，佢模仿返出嚟啫。」
我：「點解鋼琴要整到咁？唔會嘥多好多功夫咩？係會容易啲彈定係音色會好啲？」