【代糖故系列】《她被寄宿到屋邨男孩的家中》: K92

Q：「真係唔話你低B都唔得，重話自己要讀Physics，鋼琴每粒制後面都連住條弦攞嚟敲啲唔知乜，咁低音同高音梗唔同，結他幾條弦都唔同粗度啦…」俾QQ串，係一件好肉酸嘅事，但同一時間又好痛快，我係咪有啲唔妥？
我就係咁廢喇，過嚟彈我JJ吧，全身最有用嘅地方。
我：「嗯，低音硬得滯，高音無乜手感，呢幾粒最好㩒，妳以後就彈呢個音域啦。」無插device當然無聲嘅。
Q：「得㗎喇你，唔識都可以扮到似層層。」
我：「乜唔識呀，講手感呢啲我不知幾專業，低音厚實，就好似一個圓潤飽滿嘅波波，而最高音呢幾粒，就好似放隻手掌喺個微微隆起嘅心口上面用手指尾挑逗lin lin咁…至於最舒服嘅幾粒呢。」然後我望住佢心口。
Q：「你呀，唔係九成，係九成九呀。」黃金咩…
我：「唉，可惜吖，妳揀嘅竟然係呢部空氣波手感。」
Q：「我為你好咋！部workstation厚成倍又重成倍，你係咪次次都幫我set場先，分分鐘重要掉緊你屋企啲嘢。」
我：「嗯，原來呢個就係真琴嘅手感，真係一樣噃。」
我都知佢係為我著想，所以就借啲意轉移話題。




Q：「咪製造噪音呀，行開啲，等我彈啦，好耐無彈過琴喇。」原來…彈keyboard唔可以當彈琴，音樂嘅世界呢…
鋼琴嘅物理聲音，又真係好聽過電話播出嚟嘅電子聲。
我：「咦，係明年今日？」
Q：「做乜呀？想管我彈乜嘢歌就課金先啦。」呢個死女包講到我無付出咁，唔計錢我煮飯洗衫都有功勞呀？
我：「但係妳已經生日咗好幾日喇喎。」
Q：「吓？！你而家係咪咒我十六歲生日完就會瓜柴呀？就算我幾時生日都好都有明年今日㗎！」
明年今日，點都好，我唔需要妳係我嘅邊個，只要我哋仍然可以好似今日咁打打鬧鬧我就已經心滿意足。
我：「係係係，我知錯，明年今日妳唔使再犯法，一定曳到爆炸，到時肯定有勁多條仔。」
Q：「你重講？受死啦！」佢所謂嘅受死，就係用鋼琴出超必彈奏魔音綠袖子，在場其他人隨即望晒過嚟，雖然都只係得少貓三幾隻。
我：「唔好彈啦，小心俾人投訴呀…」




話咁快，有個哥哥仔抬咗一大個紙皮箱出嚟。
「陶小姐，妳個keyboard喺度，麻煩嚟簽收啦。」
就係咁，我哋嘅屋企又upgrade咗件新玩具。