【代糖故系列】《她被寄宿到屋邨男孩的家中》: K132

笠完襪帶佢就著絲襪，呢個比較簡單，但我近距離睇住對壓花黑絲慢慢包住佢白滑嘅大髀，呢種四成透光嘅黑絲可以話啱啱好襯托出佢優美嘅大髀線條，憑少少光暗陰影就睇得出佢嘅肌膚同髀形都係一流一，再好似扣Bra帶咁勾四條襪帶落去吊住對絲襪，呢種畫面呢…
Q：「嗯，條裙好似長咗啲啲，唔係太睇得到。」
我：「妳跳多啲，坐得衰啲，啲仔自然會有辦法睇到。」
Q：「睇嚟你都想有一大堆男仔臣服喺我裙底咁喇喎。」
我：「呢個唔係想唔想嘅範疇，係自然物理現象，例如裙底萬有引力，又或者全反射走光折射咁。」
Q：「唉，無計啦，呢啲嘢真係想收都收唔埋，而唔係真係我想引死仔囉，嘻嘻，我諗住都係著返黑皮鞋，因為感覺上好似會比較少女，你覺得O唔OK呀？」
我：「出類拔萃，無懈可擊，完美無瑕，巧奪天工，巧取豪奪…埋所有脆弱少男嘅內心。」
Q：「咪玩啦，認真㗎，幫我睇下有無地方唔妥。」
有唔妥呀，太過犯規，妳叫啲仔點忍喎，肯定即晚最少收到十隻飛機，全部掛晒對胸發射導彈。
我：「點講好呢…好似有啲heavy。」




Q：「即係點，太多布？你唔係夠膽死話我heavy呀？」
我：「我意思係，呢身衣著就好似卡通入面嘅主角咁，好華麗亦都好標準，但就未有一種濃厚嘅特色味，就好似五星戰隊入面嘅紅戰士，或者美少女戰士入面嘅月野兔咁，有時人氣同吸引力反而比唔上黑戰士同土萌螢。」
Q：「我諗我明你講乜。」佢耷低頭望下自己身打扮。
然後佢做咗一個動作，就係除咗有膊頭嗰邊嗰隻絲襪出嚟，露出我平時一早睇到厭嘅白滑美腿。
Q：「咁樣會唔會好啲？」
我望住佢，其實呢條裙真係好難形容，Gothic style嘅布料但cutting比起Gothic又簡潔好多，黑色嘅底料上面有紅同黑嘅壓紋，而且有大量花邊，左邊膊頭有嚿用黑紗摺疊而成嘅手袖，右邊嘅膊頭就完全表露無遺，中間類似馬甲嘅設計採用對稱方式表達，心口兩塊deep V冚同Bra嘅原理差唔多，乳溝差唔多睇晒咁滯，豐滿嘅佢重唧咗啲上乳脂肪出嚟，裙襬嘅上半part係比較平實，而下半part就微微外擴，加上紅黑相間嘅百摺設計…
其實夠上大台啦，喺女僕餐廳演奏嘥咗佢。
單邊絲襪其實有啲怪，但係…個感覺係解釋唔到嘅好中…
我：「掂呀，就咁，無嘢可以再挑剔。」
Q：「嘻嘻，我重有呢個！」佢攞咗副紅色心心黑超戴…




我：「原來…妳最後都係決定真人見面會…唔出樣。」
Q：「保障下自己啫，而且呢個係我嘅特色嚟。」
我：「好咩？一副咁嘅細路女塑膠眼鏡。」