【代糖故系列】《她被寄宿到屋邨男孩的家中》: K133

Q：「你就塑膠眼鏡，呢副Kate Spade嚟㗎！」
我：「嘩，聽到個英文名…都知道唔方平得去邊。」
Q：「乜喎！我上網用三百八十蚊收返嚟咋，本身係諗住搵聖羅蘭㗎，但實在係太貴喇…咁用完可以放返出去嘅啫。」
我：「OK啦，如果有用咪keep囉，條裙都唔止啦。」
問心嗰句，塑膠黑超襯唔襯Gothic style？當然唔襯。但彌海砂可唔可以戴黑超？可以，呢個女仔都無譜嘅。
話時話我睇死亡筆記嗰陣只有三年班，好多嘢都睇唔明，剩係知夜神月係個仆街，整死晒啲鍾意佢嘅女仔，而個作者就更加仆街，明明跟返劇情啲女仔一定會同夜神月幹好多好康的事情，但偏偏就乜都唔肯畫出嚟。
Q：「喂，幫我影返幾幅相，你屋企無全身鏡。」
雖然係彌海砂嘅衣著，但就係夜神月嘅霸道；當然我諗只有我先配有呢種待遇，而唔係佢啲fans。
幫佢影portrait其實已經變成我哋嘅日常，佢輕鬆平常就可以擺出好多姿勢，正面，側面，扮cute cute，搔首弄姿…應有盡有，意態撩人。
我：「Stop！唔好郁！」佢有啲錯愕咁凝結咗自己。




Q：「喂，你個死仔包喺度笑乜鬼！係咪想死？」
我放大個screen畀佢睇，zoom落去佢膊頭位置。
我：「嘿嘿，呢度嘅拮拮都幾哥德式。」
Q：「妖，呢part好似係你個department管㗎喎，但何解…你個死人頭會用Gothic嚟形容呢啲嘢？」
我：「欸…哥德式…唔係比較陰暗咩，而啲建築…好多又長又尖又幼嘅紋理…有啲扭花紋，總之…唔係滑捋捋。」
Q：「呀…咁都可以聯想埋一齊嘅，你個死變態…咁係咪即係現代建築由包浩斯開始變成滑捋捋，女仔就開始要除毛？」
我：「唔知呢，總之…我其實覺得幾得意。」
Q：「你自己無就喺度羨慕人呀？低B仔…」
我：「邊…邊係，我不知幾鍾意做細路仔。」
其實我俾佢拮到應一應，游水嗰陣望住傻仔健越嚟越茂盛都唔知自己點好，明明我喺行為上領先佢咁多，但喺身體上就輸晒比佢，希望佢下面唔會係巨龍嚟啦…




Q：「我夠想做細路女咯，嚟啦，而家幫我差唔多。」
我：「而家…其實等到妳要出show先都可以嘅。」
Q：「唔啦，呢幾日重要去做下運動，剃咗先好啲。」
我覺得，第一，無人迫妳著咁少布去做運動；第二，街上面其他人係會昅妳，但唔會專登望啲咁難睇到嘅地方；第三，我同妳喺呢個位置上面咁親密，妳無理由介意我…
都未講完，佢就已經攤咗喺張梳化上面舉高隻手，眼前呢個景象彷彿就係一個哥德式嘅妖女，用巫術去勾引…
我：「好啦，我會幫妳…」我打開佢包包攞專用刮刀同cream，準備幫佢變…唔知係細路女定大人。