【代糖故系列】《她被寄宿到屋邨男孩的家中》: K253

我：「我幾時有講過係女都啱，feel呢啲靠你製造啫。」
健：「唔識呀…同學之間整啲feel出嚟做乜喎，你聽日走過嚟搵返我食飯得唔得呀，我唔想又攪到唔知點咁。」
我：「唓，本身就諗住搵你食，今日我餐飯純粹係意外嚟咋嘛，我又唔係男神做乜要黐埋去一齊食，不過你都幾犯賤，身邊一個女仔都無嗰陣就怨天怨地，而家難得有女仔喺你隔籬就嫌三嫌四。」
健：「我無嫌佢，邊有資格喎，只係你都知我唔識同女仔打交道，既然唔係諗住為啲乜，咁樣好攰好辛苦，我終於知道點解你咁沉迷Queenie，同佢相處都唔使用腦。」
我：「我記得，有人曾經講過，Queenie呢啲女仔只配幫你含撚？」就啱啱咋嘛，一百萬字之前。
健：「哎吔！無呀無呀！嗰陣都唔識佢，你千祈唔好講畀佢知呀，我唔想死住。」
我：「唔會啦，你老細只會一笑置之，笑㞗你低B。」
健：「都係…就好似唔使出聲佢已經知道晒你諗緊啲乜咁，雖然明知係無可能…但同佢交流實在好舒服。」
我：「但咁都可以好恐怖㗎喎，唔好唔記得佢係Kuromi嘅時候點玩到你癱癱腰。」
健：「佢又唔係有惡意嘅，佢都重係Kuromi嚟。」




呢個男仔已經被玩壞無得救，希望Kuromi唔好有乜病，否則需要換器官嘅話呢條友實第一個衝出嚟開刀。
健：「最唔明嘅係點解Yvonne咁乞人憎Queenie重同佢咁friend，我又唔覺得佢係為咗U字頭同Z字頭，明明全世界都知你係Queenie好朋友，佢都竟然可以唔畀面你。」
有啲嘢你真係唔知好過知，女仔實在太複雜…
我：「咁可能都係嗰個理論，你未認識佢啫，識咗就可能接受到，又或者你認識多啲思韻就會覺得佢可愛。」
健：「唔會啦，真係唔覺，送畀我都唔會真心鍾意佢。」
話佢㤿憸好吖，定話佢酸葡萄好呢，問心嗰句我覺得韻婷都好好㗎，只不過時間同環境令到有啲嘢無可能發生。
我：「你唔好黐得多Kuromi就個個女仔都同佢比啦，你想孤獨一世咩？人哋係女神天花板，唔係標準嚟。」
健：「鬼唔知咩？但我想㗎？有得畀你揀嘅話，你寧願同Queenie，Vienna玩定係其他三個吖？嗱，你都答唔出喱，思韻真係好悶呀，機又唔打，動漫又唔睇，剩係追下韓團，根本就溝通唔到，Queenie起碼會同我討論下點出技。」呢個乜比較嚟？傻嘅咩…五個女神我肯定五個都要得，就算YY都係一個好有特色嘅女仔嚟，Uranus雖然比較難相處，但QQ對佢評價好高絕對信得過。