【代糖故系列】《她被寄宿到屋邨男孩的家中》: K255

大熱天時，返到屋企當然即刻除校服，掉晒啲底衫褲落洗衣機，然後望咗幾秒套校服…掛返起，著埋聽日星期五先啦，我知QQ容忍到嘅，佢都唔係日日洗啦，我又唔似得富家女屋企有管家同工人。沖完涼就剩係著住條波褲，開埋冷氣打大赤肋坐喺床上面休息，而呢個時候QQ亦都返到嚟，佢嘅神情有啲攰，踢開咗對皮鞋之後就爬咗上我張床瞓喺我大髀上面。
大家讀書嗰陣係咪成日幻想過會有女仔放咗學上嚟你屋企搵你再唔小心上埋你張床？如果有發生過，恭喜你，希望你無慈悲為懷放走咗塊生肉；而如果無發生過唔使灰心，只係代表你係一個正常中學生，但好對唔住，呢個係我同右女神嘅日常嚟…
我：「嗯…妳好似好攰咁嘅？小見喎。」QQ亦都知我沖完涼，所以由得我用隻手摸佢塊面。
Q：「唔係身體上攰，係精神上嘅攰。」
我：「因為Vienna？」好明顯我係明知故問。
Q：「當然啦，點估到佢會無端端殺過嚟，本來我重以為自己已經失去咗呢個朋友，我都唔好意思搵佢。」
我：「真正嘅朋友講心嘅啫，但妳竟然可以識到啲咁犀利嘅女仔friend，真係嚇咗我一跳。」
Q：「其實你一直都知我識佢㗎。」
我：「吓，點解咁講嘅，從來無印象妳有提起過佢喎。」
Q：「當初畀本週記你睇，佢咪就係教我溜冰跳轉嗰個女仔嚟囉，係你無問過我咋嘛。」




我：「原來…嗰陣剩係覺得妳大枝嘢，邊有諗過問妳。」
Q：「你睇下你吖，極度歧視我囉…不過你知唔知呀，頭先我陪佢去校務處登記學籍，學校真係預咗佢任揀科㗎，剩係比咗時間表佢參考，即係話讀邊班都得，而且重幫佢登記埋紅社，話乜本身都係抽籤無乜所謂。」
我：「我明白佢背景好強橫，但咁樣會唔會有失公平？」
Q：「又唔會嘅，因為以佢成績又真係讀乜都可以。」
我：「真係咁叻？最後揀咗乜科呀？」
Q：「過多排你咪知囉，除咗M2其他都同我一樣，呢鋪…我諗Uranus點都守唔到佢個女仔數學第一。」
我：「妳係擔心緊…佢同嗰三隻嘢嘅相處問題？」
Q：「應該係Uranus同Yvonne啫，佢兩個好要面，Zilvia對呢啲無乜感覺，佢可能關心屋企隻狗多啲…同埋估唔到佢會病咗，希望轉校之後就會無事啦，頭先同佢行學校，佢又叫我唔好搵錢要專心讀書，話可以畀錢我使，又問我點解你可以返工助養我，但佢就唔可以畀錢我。」
我：「係囉，點解唔得嘅？」
Q：「點同喎，你啲錢係自己辛苦搵返嚟，你可以憑你嘅意願去分配，你知道遊戲規則，我亦都有嘢可以畀返你…但佢畀錢我使，同佢偷屋企錢畀我有乜分別？」呢個時候，佢遞高隻手上嚟玩我粒的，有技巧咁搓…