【代糖故系列】《她被寄宿到屋邨男孩的家中》: K308

晚晚對住妳已經夠晒正人君子，特登解釋又好似顯得我此地無銀身有屎，正當我諗緊好唔好反擊佢嘅時候…
V：「科長呀，我諗今日放學我哋一齊做中文功課咯。」
我：「吓…中文功課？有乜嘢中文功課呀？」雖然我係一個無責任科長，但無理由有功課要交我唔知㗎。
V：「咁就梗係說話練習錄音功課啦。」
我：「但係…下星期先交喎，今日先星期二。」
V：「我周末唔得閒做㗎，不如快啲完成咗佢啦。」
我：「都重有幾日吖，聽日先得唔得呀？」
V：「聽日唔係要去打bridge咩？定係你今日唔得閒？」
Q：「妳唔使理佢㗎，條友剩係想明日復明日。」
V：「哦，咁今日放學做咗佢啦，你唔好偷走呀。」




佢望一望QQ，好似同佢講如果我竄返屋企先就幫佢處理咗我，都話咗俾呢兩個女仔夾住我實無好日子過…又其實，我諗好多仔都會想同幽蘭一齊做功課，話晒兩個人對住喎，但我坐佢隔籬又發生過上星期五嘅事，屋企又有QQ喺度，做功課濕濕碎啦，唔通做做下叫我幫佢舐閪咩…
講真我驚過佢，都唔知啲女仔開邊範。
之後我上完M1佢上完M2，咁就放學…QQ專登留喺隔籬班房同YY，Zilvia吹水，又交際下Bio班嘅其他同學，主要都係音樂組嗰啲人。提埋大家，琴日食飯咪撞到阿康同韻婷嘅，今日佢喺我隔籬粒聲唔出，尷尷尬尬咁…
傻豬嚟嘅，識異性朋友好閒㗎咋，不過唔好咁快失豬…
即係咁，唔係我食唔到就唔想人食，唔希望阿康犯法咋…
我：「大小姐，我嚟準備做功課喇。」
V：「哎吔，你唔好成日咁叫我啦，攪到我唔知點好。」
U：「妳就做好人成全佢啦，有啲人天生賤骨頭。」
V：「嘻嘻，唔好咁話佢啦，每個人都應該生而平等㗎。」唔通…就係呢啲說話，令佢喺以前學校俾人欺凌？
我當然深知世界絕對唔公平，但我亦深信佢係發自真心講呢啲嘢，如果唔係就真係撩架打，雖然我點都唔會怪佢。




我：「欸…唔廢話喇，快啲去搞掂份功課先。」
於是我哋兩個就行開留返天王星喺度，唔知佢諗乜喇，我剩係知自己理唔到咁多嘢。圖書館做唔到錄音功課，去平台cafe就實俾人話幽會，諗來諗去都係光明正大喺雨天操場最穩陣，橫掂全世界都已經睇我唔順眼唔爭在。
V：「你去邊呀？」落完樓梯佢疑惑咁望住我。
我：「咪是但搵個位坐低做咗份功課佢囉。」
V：「點得呀，呢度咁嘈。」