【代糖故系列】《她被寄宿到屋邨男孩的家中》: K314

嗯，佢一定係知道自己屋企大得滯擔心我喺度蕩失路搵唔返我，而唔係當我係下人同奴僕嘅…點會好似YY咁衰，但係幽蘭咁靚女攞住皮鞭個樣一定好威風，或者攞毛筆喺我身上面寫字…嘿嘿，好痕呀，真係好鬼淫嘅啫。
唔得，正經啲，但我一望張紙就覺得眼瞓…上面係一對男女喺度鬧架嘅對話，無頭無尾都唔知做乜，幽蘭點解要搵啲咁嘅橋段嚟虐待自己，其實我扮豺狼佢扮小紅帽咪得…
大概三分鐘後佢換返屋企衫落嚟…
我：「嘩，你使唔使喺屋企都著得咁正經呀？」
一件白色蝴蝶領短袖扣鈕裇衫，加一條薄身黑色長西褲，而且件衫入面重係著住底衫，呢啲邊呃到我。
V：「畢竟有客人喺度，所以咪著得整齊啲囉。」何止整齊咁簡單，重肆正過校服囉唔該，人哋返工都係咁著。
我：「乜鬼客人喎…又係妳自己話想當我係朋友。」奇奇怪怪，明明喺學校得我哋兩個就連衫都除埋。
V：「我想㗎咩，可惜間屋唔係得我喺度嘛，呢度周圍都係cam㗎，你都坐返好少少唔好死蛇爛鱔咁啦。」
唔係呀化，即係日日喺度生活會俾人監視，唔怪之得…
我：「對唔住…管家先生唔會鬧我㗎？」唔敢單挑喎…




V：「唔會…不過如果爹地佢睇到，又會問我識埋晒啲乜嘢同學，跟住又話呢間學校啲人唔掂迫我轉校㗎喇…」
我：「知道，都係我累咗妳…如果妳同返佢哋一組就唔會有呢個問題，我同呢個環境根本就唔夾。」
V：「唔使咁緊張，正正常常就得㗎喇…呀，係嘞…我帶你去廚房攞啲嘢飲先，如果唔係我實俾人話。」
離開客廳經過一條走廊，呢度有四間房同一間廁所，全部閂晒門我點解知呢間係廁所？因為門口有牌…
V：「呢幾間係客房、工人房、雜物房…呢個係洗手間，你有需要就隨便用…不過去得乾淨啲呀。」大小姐，呢層我都明嘅，以前我自己一個住的確唔會點理，橫掂沖涼嗰陣都會整濕乾淨返㗎啦；不過自從QQ過咗嚟，如果佢睇到條邊有一滴都會鬧鬼我，結果我而家有時硬硬地…唔方便對準嗰陣，又或者QQ啱啱用完塊板重係暖嗰陣，我就會坐低喺度慢慢方便。
死人QQ，總會有一日等我玩到妳噴尿，咁多聲氣吖嗱。