【代糖故系列】《她被寄宿到屋邨男孩的家中》: K334

Q：「我何嘗唔係好矛盾吖，當然想自己嘅fans係高質素，但男人來來去去都係諗埋呢啲嘢㗎啦，快錢本身又真係好吸引，不過如果做壞咗自己個名又好大鑊。」
我：「我覺得第一次盡量唔好啦，等佢再課多啲，見多兩三次確認佢份人正常同埋足夠忠誠先，而且唔一定要內衣嘅，平平地整張唇印紙巾畀佢都唔錯。」
Q：「你條友仔真係吖，唔做龜公實在嘥晒。」
我：「咁我身為男仔實知道佢哋諗乜㗎喎，唔好咁話我啦…不過又係嘅，其實條原味底褲究竟有乜咁吸引呢？」我一邊講一邊瞓住佢大髀拉開佢條真理褲，好在入面唔係真空，如果唔係我實俾佢閹到斷都似。
Q：「你自己日日有得攞嚟玩，身邊又有咁多女仔彳亍咁轉，梗係唔稀罕㗎…你有無諗過啲宅男可能由出世到而家廿幾年都未曾掂過女人，唔好話我話，你咪又係因為我嘅美色而養我。」佢撥開我隻手拉返埋條褲仔。
會對毒撚有憐憫之心嘅港女，可以話係瀕臨絕種生物…
我：「健仔都好慘，賣條原味底褲畀佢囉。」
Q：「先唔講佢敢唔敢要嘅問題，而家人哋都唔需要我啦，會有姐姐entertain佢㗎喇。」
我：「我想講…差成四年喎，乜真係有機會咩？」
Q：「啊哈，四年呀？我爹地媽咪係唔知幾多倍添呀！」




我：「我爹地媽咪係同年㗎，佢哋係同級同學嚟。」
Q：「哦，原來係咁…不過我想講你睇嗰陣時健仔同Kuromi玩就知，條友都唔理性嘅，有女就會衝埋去㗎啦，難得有個姐姐同佢玩點會唔一心一意摏個頭埋去。」
我：「唔理佢呀，佢開心就得啦，妳係咪好肚餓喇？我而家去煮嘢畀妳食，等多陣啦。」
Q：「我頭先食咗蝦餃，啱啱又食完雪糕，你唔使急嘅，嗱，幫我掉咗個雪糕杯佢先啦。」
作為一個環保小先鋒，掉之前就梗係要伸條脷出嚟舐下個杯先啦，嗱，我係想試下個乜berry大概係乜嘢味咋，絕對唔係諗住要食QQ啲口水落肚。
到咗第二日，星期三，day 5…上堂大致上都係咁，日日俾五個女神圍住，QQ有時悶得滯會用手指彈我手臂，唔知後面嗰兩個睇唔睇到呢，而幽蘭又會偷偷喺我大髀側邊畫圈圈…而每當YY擰轉面同QQ謦欬嗰陣，無可避免就會見到我，心中應該暗啞底千萬句咒緊我不得好死。
因為幽蘭嘅關係，放咗學我唯有乖乖地陪佢去打橋牌，話晒假假地佢都係個副會長吖嘛，不過我就同佢講咗大家都只會玩個零鐘左右，所以佢管家大約五點就會嚟接佢。
我：「大小姐，呢度咁大包係乜嚟㗎？」