【代糖故系列】《她被寄宿到屋邨男孩的家中》: K348

佢無理到我，就喺我面前除咗條校裙出嚟，可能由於今日唔係正式返學日入面係無著底裙嘅；去廁所洗個面抹一抹身就出嚟上下妝同整頭髮又襯下衫…以前我都會覺得女仔扮完靚係吸引啲，而家我只想第時個女朋友喺我面前永遠用最天然個樣嚟對住我唔好搞咁多花臣。
Q：「咁樣O唔OK呀？」一條薰衣草色一字領低胸連身短裙，順滑貼肉，屁股睇到底褲痕，出面加一件短袖外套…
我：「妳真係出嚟撈㗎喎…」
Q：「講乜呀你，係問你好唔好睇呀？」
我：「好好睇，重好靚女，但使唔使著到咁爆…入面條底褲賣唔賣㗎，賣咗就唔會露痕。」
Q：「你唔好咁啦，人哋畀咗咁多錢梗係想睇到我最靚嘅一面㗎啦，假如你使咗七千蚊落個女仔度，你又會expect有啲乜嘢回報吖？」
我：「咁呀…最好就可以無套中出…加埋過夜慢慢玩。」
Q：「咁咪係囉！所以我已經係好含蓄㗎喇。」
我：「知道喇，妳搵錢辛苦，最緊要長課長有吖嘛，係咪？不過妳今日唔使戴黑超喇咩？或者口罩咁…」
Q：「我諗住…單獨見一個人啫，所以咪唔想攪咁多嘢囉，況且我只係同人食飯，就算有人見到或者影到對我嚟講可以話係無影響，你知啦，我其實唔係怕自己個樣俾人見到呀，而係如果有人知我返呢啲工我會好麻煩。」




係就最好，如果又俾你條仔撞到正睇妳點收科。
我：「今次唔使我陪吖嘛？安唔安全㗎？」
Q：「如果唔安全我就唔去啦，同佢講過好幾次嘢，覺得佢係個好斯文細膽同怕醜嘅男仔嚟，feel唔到威脅。」
我：「咁又係，妳豪放嘅程度隨時超越大部份仔。」
Q：「乜呀！平時我都好內斂㗎！」又一拳打落我度。
我：「小心啲呀，好多心理變態，強姦犯，殺人犯嗰啲，平時睇落其實無乜嘢，甚至乎成個弱者咁。」
Q：「咪嚇鬼我啦，又一城咁多人…我唔會離開嗰度嘅，如果真係有問題我再急call你嚟救我啦。」
我：「唉，我而家打輸咗無用喇，不如搵天王星啦。」
Q：「我搵佢實仆到嚟㗎！問題係唔可以俾佢知吖嘛…咁我出門口喇，你記得食飯呀，唔好懶到餓死咗喺屋企。」
咪傻啦，如果我會懶到餓死一早已經香咗，邊會做到妳隔籬位。呢排啲外賣平台又亂咁嚟，某米線鋪自取食夠一百就減四十變六十，我度夠兩碗兩餸米線就啱啱好，落完單慢慢行去攞，雖然遠少少但都值回票價，一日食一餐可以頂到聽日，希望今晚返工會有得過河濕腳。




點知我攞到返屋企一倒啲米線落湯就電話響…
Q：「交叉仔…我今次仆街喇。」
我：「乜事呀，妳唔係先應該啱啱到咋咩？我正想放第一啖米線落口…咁快就要我出嚟救妳？」
Q：「唔係呀，個男仔…原來係細龜嚟…」