【代糖故系列】《她被寄宿到屋邨男孩的家中》: K376

佢一輪嘴就係千字文，我最get到嘅就係佢盡得阿媽優良遺傳，啱啱幫我嚟咗個超級大保健按摩…聽過咁多故仔，最羨慕都係QQ爹地，喺電腦前面打機咁就財源滾滾來，可惜而家…所以我就更加無乜動力去努力。
而喺佢講完嘅同時，我哋早就上咗巴士。
U：「唉，你實嫌我好煩，Queenie一定無我咁多廢話。」妳可以咁講嘅，佢嘅approach槓桿比率大好多。
我：「又唔係嘅，聽完先知妳點解會咁特別…」
本來佢只係同我十指緊扣，而家甚至撓到實挨埋頭落嚟…
我：「唔介意我問下，妳對我…唔係真係有興趣吖嘛？」
U：「哈，你認為呢，唔知你有乜高見？」
我：「我認為…可能性極低，妳有可能係想整蠱我，又或者係幫Queenie試我，但係我唔敢斷言，唔想俾妳打。」
U：「你知無可能就最好啦！如果係試你嘅話，頭先已經試咗出嚟，我只係…想試下有男仔喺身邊嘅感覺，呀，我唔係要你對我做啲乜，只係…我無乜同男仔接觸過，所以想知道大概係點啫，唔想到第時…真係要面對男人嗰陣先嚟手忙腳亂乜都唔識，出醜俾人笑就唔好。」
佢竟然連呢啲嘢都可以咁死要面，真係服咗佢。




我：「即係嚟搵我考mock呀？我唔介意用三個鐘教曉妳由表白到分手之間嘅所有嘢，但咁樣妳塊處女膜可能就…」佢仍然拖到我隻手實一實，兼且面露甜美笑容。
U：「阿四，繼續講吖，下個禮拜你繼續嚟同我練靶。」
我：「講下笑啫，妳真係認真到吖…一係妳一開始就講到明禁止我講呢啲話題啦，要我靜音模式好簡單㗎咋，其實如果妳想試下有男仔喺身邊容乜易喎，只要妳唔好趕走晒佢哋就大把有得妳揀。」
U：「無興趣喎，唔想無端端益啲仔，唔鍾意蝕底，亦唔想玩啲男仔，我唔係妳嗰個女神，更加唔想俾人講。」
我：「咁妳又搵著我嚟攪…係咪我好玩啲先？」