【代糖故系列】《她被寄宿到屋邨男孩的家中》: K394

Q：「嗯，幽蘭真係太惜我，幸福得滯喇…如果我係仔可以俾佢包起就唔錯，你話係咪呀？」
我：「係…咩…作為一個男人我會覺得包起一個女仔開心啲，只不過問題係我無呢個能力…」
Q：「佢同你好似玩得幾開心，或者你努力啲會有機？」
我：「乜…有機呀…我都唔求呢啲嘅。」
Q：「你諗下喎，人哋又靚女，又有錢，又知書識禮，文武全才，可以同佢一齊唔係會好開心咩？」
我：「邊…邊係…呢樣嘢我諗都無諗過…」唔通QQ發現咗我同佢有古怪，做乜會咁問我嘅？
Q：「諗下啦，未戀愛過嘅女仔多數好易氹，以你才智…」妳即係話我呃完細蚊再氹韻婷落踏啫，係咪？
我：「就知唔work啦，我先唔要每日俾管家監視住…」
Q：「唓，你係覺得有得睇無得食回唔到本咋掛？」
我：「點會！一早慣㗎啦，我只係想日日同妳自由自在咁生活，完全無諗過其他無謂嘢。」




Q：「我係為你著想，驚你心理唔平衡咋，幽蘭明明就係天下難得一見嘅筍盤嚟，算，唔理你，做多set腳先。」
所謂嘅做腳，就係負重不停開合隻大髀，咁先訓練到啲正常活動唔太用到嘅肌肉，除非妳打到好似天王星咁癲啦…
而呢個時候亦都開始多人，但就唔影響QQ繼續係呢間健身室入面最索嘅女仔，而啲視線自然就…
我：「阿右女神，妳覺唔覺得妳啲動作優美得滯？」
Q：「多謝抬舉喎，但事實呢啲嘢唔一定要講出嚟。」
我：「我意思係…好似有好多人望住妳。」
Q：「咁唔係正常不過咩？做gym唔望靚仔靚女唔通學你咁望實個777…重要衝過龍，好懷疑你以前同細蚊嗰啲體外射精成效，無出事可能只係你好彩。」
我再三重申，QQ講色色嘢喺女仔之中算係無可匹敵…
我：「我嘅意思係…妳唔介意…唔怕蝕底咩？」
Q：「蝕啲乜？我有著褲㗎，直播都係咁俾人望啦。」




我：「唔同嘅，直播有錢收，而家無呀嘛。」
Q：「如果你唔喺度，我是但撩條仔今晚食乜都得啦。」
我：「小心連妳俾人食埋呀，我為妳安全著想咋。」
Q：「唉，鬼唔知咩，講笑咋…喺香港安全先咁樣啫，如果喺印度可能命仔都無埋嚕，而且你喺度嘛，實會保護我嘅，係咪？」
我：「咁就梗㗎啦，就算喺印度我都會確保妳嘅安全。」
Q：「真係？有啲信唔過喎，連天王星都可以打贏你…」
我：「一時輕敵啫…而且規則都係對佢有利。」
Q：「對住女仔都重可以賴地硬，你好嘢㗎喇…你有口話人無口話自己，你咪又喺度昅緊嗰個短髮姐姐。」
我：「咁我同妳嚟玩，無理由係咁望住妳㗎嘛。」