【代糖故系列】《她被寄宿到屋邨男孩的家中》: K405

聽到佢講埋啲咁嘅嘢，我擘大口嚇到上排啲牙就快跌落嚟，我一直知道佢無乜底線，但好歹健仔喺度…
Q：「你唔使指擬有得睇呀！呢啲嘢兒童不宜。」
我：「即係咁，我就唔會話特別想睇兄弟…個女朋友…嘅身體嘅，但係何解我就係兒童不宜呢，Queenie妹妹妳好似重細過我㗎喎，雖然妳係女人啫…」
Q：「大佬，我由細到大除咗自己條褲就可以睇到自己嗰度㗎喇喎，咁何來兒童不宜呢？就算你閹咗都唔會有㗎喇，恨唔嚟，你隻雞雞對我嚟講就兒童不宜。」
我：「哦，你有無試過用塊鏡睇自己下面？」
Q：「食屎啦，變態！我真係唔想理你囉！」
健：「點解…你兩個可以咁樣溝通？」
Q：「我都唔知！一齊住得耐咗就係咁，不過如果佢再過份啲我就唔鬼理佢！」
健：「嗚…咁我而家應該點？」
Q：「無㗎喇，你咁對人哋嬲係好正常…有無佢電話？」




健：「無呀…佢用133打畀我嘅。」
Q：「你連人哋電話都無，好意思當人哋係你條女？」
健：「嗚…我可以點做…」
Q：「重可以點，如果你搵唔到人哋其實無嘢可以做到，你連俾人已讀嘅機會都無，或者可以試下等下嘅，可能佢會有一日回心轉意搵返你都唔定，但睇你個樣就實又會激嬲人，不如你諗下係咪真係想同佢繼續好過啦。」
健：「我想…我重係好鍾意佢。」
Q：「你肯定你係鍾意？認真喎。」
健：「係呀…無咗佢我唔知點過日子好…嗚嗚嗚…」
Q：「如果佢只係當你係炮友呢？甚至係想中出即飛？」
健：「嗚嗚嗚嗚…我唔要…嗚…咁樣呀！」
Q：「你咁無用，就算人哋出現返又可以做到乜。」




健：「我知我無用…但我好想攬住佢…」
Q：「可能佢而家攬緊第二條仔呢。」
健：「嗚嗚嗚嗚！」
我：「不如你唔好刺激佢先啦，感情呢啲嘢邊控制到。」
Q：「都要認清個現實㗎，你哋根本就係兩個世界嘅人嚟，如果你接受唔到，就算佢出現返都無可能相處到。」
健：「係咪…只要我由得佢就會無事？」
Q：「你問下你由得自己咁樣好唔好先？可能你根本就唔鍾意佢，只係想同佢上床啫。」
健：「唔係咁㗎…一定唔係…」
Q：「總之你諗清楚先啦，我而家要出去見工，遲啲再講。」
我：「吓？！無端端見乜嘢工？點解無同我講過㗎？」




Q：「所以而家咪同你講囉，不過你大可以放心，唔係你最鍾意諗埋嗰啲衰嘢，唔係黃賭毒，亦唔係傳銷借錢黨倫敦金旅遊會籍美容套票邪教等等…」