【代糖故系列】《她被寄宿到屋邨男孩的家中》: K444*

因應故事發展，健仔Bubble情節會於投訴區釋放。

女神妳真係識講笑，形容得咁活潑攪到我又想硬返。
Q：「沖涼啦，鹹濕仔，清空咗都好，等你一陣見到欣姐可以冷靜啲。」放心，我一定好冷靜，因為一諗到傻仔健點樣連續灌溉咗四次細胞畀佢，我腦海就會天然出家見到四大皆空色即是空。
同QQ出街係開心嘅，因為一離開自己個站之後我哋就會拖手仔；雖然話時至今日我喺屋企可以隨時掀佢條裙，托下佢波底，甚至乎打下佢屁股惜下嘴仔，但無理由喺屋企成日拖住㗎嘛；當我感受到全街人望住我拖實QQ隻手，真係好有優越感，會幻想自己變成一個男神，就算當佢係一個唔用得嘅PTGF都抵返晒，就好似啲MK仔無咁大個頭都要租架跑車出嚟充撐場面扮晒嘢咁。
去到又一城先六點幾於是乎就行下街先，QQ而家搵到下錢當然就無咁緊張，去行下LOG-ON睇玩具嘅時候都可以順便買少少文具嘅；頂，做乜唔直接問幽蘭攞喎？
我：「已經七點三喇喎，個女人會唔會放我哋飛機㗎？」
Q：「諗嚟做乜，就算要放都無辦法㗎，積極啲諗，可能係佢堂quiz overrun，又或者佢要應酬條仔打埋茄輪，去後樓梯摷裙底幫佢射，總之…等到搭九都無反應我哋咪去食飯走人囉。」
QQ形容女人講到好似真有其事咁，而我發現到原來佢等同性生物嘅時間極限係唔湯唔水嘅四十五分鐘，唔知有無寓意嘅呢，唔通係一Q炮嘅時間嚟？
就講就到，QQ電話即時響起私人來電。




欣：「唔好意思呀，落咗堂個教授重係咁講廢話所以遲咗…妳識唔識過嚟city呀？我諗住喺AC1食埋先走。」
Q：「識嘅…但我入到去就會蕩失路，應該…我而家喺又一城。」
欣：「嗱，妳由又一城條路穿過嚟，一直行經過隧道，過埋橋，入到indoor就會見到我㗎喇。」
人生第一次入U竟然會係去同姐姐講數，而唔係開放日…
喺隧道入面見到好多唔同學系嘅廣告，睇到有啲擔心…
然後過橋，前面就係一大棟建築物，周圍都好多人重熱鬧過又一城，原來大學就係咁嘅樣…
打開中間道玻璃門一入去，行咗兩步就見到欣姐喺扶手電梯隔籬攞住個notebook袋等緊我哋。
欣：「好嘢喎，果然係你隻忠心耿耿嘅兵，幾時都會跟埋嚟。」再一次見到欣姐，環境同上次唔同就連個樣都唔同埋，唔再係嗰個黐黐地線嘅玩嘢姐姐，認真嘅眼神滲透出成熟嘅氣息，哦，大學生啫，好巴閉咩，通街都係。
Q：「咁係因為佢係我朋友，亦都係阿健嘅好兄弟。」
欣：「你哋都未食嘢㗎啦，跟我嚟，帶你哋去飯堂。」