【代糖故系列】《她被寄宿到屋邨男孩的家中》: K445

我哋跟住佢上扶手電梯前去未知嘅地方，雖然講到尾大學都只係一大棟建築物，但對我嚟講始終好新鮮，有探險嘅感覺，啲哥哥姐姐大部份都係型男索女，至少衣著光鮮得體，原來讀書嘅其中一個條件係唔打得都要睇得。
話雖欣姐似返個大學生，但寶藍色入膊露腰背心加件開胸薄外套，灰色格仔摟屌裙仍然係戰鬥力十足，上扶手電梯嗰陣睇晒佢對白滑重帶住少少baby fat嘅大髀，明知只差一吋就可以深入敵陣䚎到底褲，定係會真空無著呢？實在係…已經唔記得髀罅入面盛載住幾多個傻仔啲污糟嘢。
好在健仔真心愛呢個姐姐，如果唔係鹹濕如我真係好想擺低一蚊跟機撩呢個豪放姐姐一齊玩，就算齋做燈光攝影兼起水指導員都no problem呀！
呢個時候企我隔籬嘅QQ狠狠咁盯住我，示意我再昅落去嘅話隨時屋企都唔使返，做乜啫…有女唔通唔望咩？係嘞，由於嚟見人所以我哋一早已經無拖手，今日嘅佢著住無袖白色扣鈕裇，胡桃色無露pat肉短褲，戰鬥力一樣毫不遜色，加埋高度同身材其實睇唔出佢唔係呢度學生。
呢度嘅飯堂好大呀！食物款式多之餘環境重好舒服，如果可以喺度讀書我一定餐餐留喺學校食。
欣：「自己去買嘢食就得，唔使人教㗎啦。」
我：「女神妳想食乜呀？」
Q：「你都知我鍾意食乜㗎啦，幫我揀埋，唔係頹飯，唔好太油就得。」
我：「頹飯係乜嚟㗎？」
Q：「你行去睇下就知，係每間大學嘅signature dish，間間唔同㗎，即係最平嗰碟飯，有可能係餐腸腿蛋飯，有可能係白汁雞絲飯，亦有可能係雙餸…」




我：「好…理解嘞，咁我出去買嘢食。」
原來入嚟大學範圍係一件咁簡單嘅事，但要入嚟讀書就一啲都唔簡單…研究下啲頹飯先，廿蚊嘅雪菜豆腐肉絲飯，十八蚊嘅素菜雜豆飯，睇嚟真係要好有勇氣先食得落，雖然重平過食OK飯…再望一望…一哥焗豬？做乜連塊牌都一樣嘅，係間鋪名唔同咋喎，見佢重平過出面大家樂幾蚊，唔諗嚕。
Q：「你都幾悶㗎喎，有咁鍾意食大家樂咩？」
我：「妳又知係大家樂，人哋都唔係呢個名嚟。」
Q：「大型飯堂有幾多間肯做吖，好多都係大家樂同美心嚟…見到塊焗豬已經知啦。」
我：「咁咪重穩陣，幾驚係翻版嚟會唔好食，妳要焗豬定係㗎喱雞髀飯呀？」
Q：「焗豬啦，你都要幫手食㗎喇。」