【代糖故系列】《她被寄宿到屋邨男孩的家中》: K448

Q：「我哋唔係諗住要妳受苦㗎，妳同佢都開心過㗎係咪？妳就忍心睇住佢日日人唔似人鬼唔似鬼咁返學？」
欣：「所以我咪唔睇囉！就算搵返佢…都無好結果啦。」
Q：「點解妳咁肯定，相對上嚟講佢算係正常同好人。」
欣：「咁又點？好心你哋現實啲啦，我幾大佢幾大呀？撇開嗰啲靚唔靚仔識唔識溝女氹得我開唔開心嗰啲唔講，第一，佢係無乜經濟能力嘅，就算我唔介意乜都同佢AA，食飯開房錢各畀一半，但我係咪要就住佢餐餐茶餐廳快餐店？我想去迪迪尼玩又要諗佢負唔負擔到？第二，佢係未自立嘅，夜少少返屋企又要打電話呃阿媽陪阿爽踢波，就算開咗過夜房都唔可以陪埋我瞓，如果我想飛去第二度旅行呢？使唔使入紙同佢屋企人申請？第三，我哋環境完全唔同，以佢咁猜疑嘅性格一定會干涉我多姿多彩嘅大學生活，就算捱得過，到佢入大學嗰陣我就已經要出嚟做嘢，到時變成我要驚啦啱唔啱？第四，佢真係好幼稚，我唔想再聽到一個未成年又未拍過拖嘅男仔同我講有幾愛我，開口埋口話乜嘢一生一世，我無睇安徒生好耐㗎喇，聽到會毛管戙兼打冷震，你哋知唔知道一對情侶活喺平行世界係會有幾咁災難？最後，當佢對我差怨我嗰陣個樣好恐怖，我唔想發惡夢，就係咁。」
呢啲…雖然一早知，但聽到都教我哋單手掩面。
我：「咁…有邊個A0唔係廢J嚟吖，話時話，講返轉頭…佢喂唔喂得飽妳？」
欣：「吓…咁OK嘅…話晒處男…教識之後係幾刺激。」
Q：「哎，死仔包咪講廢話，阿欣…我哋唔係嚟幫條廢柴箍煲迫妳同佢一齊，只係為咗佢好…唔想佢死得不明不白，希望妳可以大人有大量畀個交待佢啫。」
欣：「你哋真係好殘忍㗎喎，乜咁樣好咩？你哋話佢知咪一樣，我都無鍾意過佢…掉返轉，如果有條仔嚟傷害完我之後，係咪要同我講無愛過我，呃我係為咗上床，使唔使寫埋食評讚下我嘅技術等我攞嚟做reference畀下條仔睇？」
我：「咁樣好，因為我都試過，身邊個女仔突然消失係好慘㗎。」除非…有第二條女無縫銜接啦。




Q：「欣姐…妳都識講，呢個世界嘅衰男人有好多，但而家有條傻仔日日諗住妳茶飯不思，而妳係可以對佢好啲…」
欣：「好難對佢好㗎喎，分分鐘鬧一場大架會比較易。」
我：「鬧架都好過直接消失吖，不如就去鬧一場先啦。」
欣：「我只係唔明，你哋都心知肚明個問題喺邊，又何必同佢一齊執著呢，我無能力改變個傻仔㗎喎，對佢咁好做乜。」
我：「雖然佢係廢J，又窮，又唔識氹女，但起碼唔會對妳中出即飛吖，中出完之後…佢一定會期待下一次㗎。」
Q：「無㗎，朋友嚟吖嘛，佢對我好我對佢好啫，所以妳都可以對佢好㗎，我相信咁樣個世界會更加好。」