【代糖故系列】《她被寄宿到屋邨男孩的家中》: K447

我：「咁…單講食係嘅，有邊個男人唔想得到晒所有靚女喎，但…都有感情㗎嘛，鍾意一個人就唔會剩係諗住食，會想佢開心，想佢過得好，希望可以一齊經歷好多唔同嘅嘢，我諗呢個就係性同愛嘅分別掛。」
欣：「係呀？不過似乎我識過嘅男仔就無幾多個會咁識諗噃，希望David你可以好好堅守自己嘅原則啦，同埋好多人講就天下無敵，愛情呢樣嘢係有有效期㗎，如果唔係就唔會咁多人見一個愛一個啦，係呀，重仆街過齋食呀，上完床繼續玩埋真感情，到厭就換新。」
Q：「我都唔知，有時會覺得自己男朋友其實都係為咗換到我嘅身體先至好好愛我…」
欣：「個個都係咁㗎啦，如果無自己好處做乜要愛對方，唔通有個男仔對妳好衰妳會同佢一齊？定係一個正常男仔會肯接受一個永遠唔掂得嘅女朋友？不如你哋顧掂自己先啦，走嚟管我都唔知博乜。」
Q：「我哋唔係想管妳呀…只不過阿健係我哋嘅朋友，亦知道佢做咗啲好蠢嘅嘢，但唔忍心…睇住佢咁慘啫。」
欣：「唔忍心…乜而家我好衰咩？咁妳呢啲又算點，自己有仔重周圍收兵，妳一係就一腳踏兩船派緊帽，一係就恃住自己靚女拖住David仔搵佢笨，妳估佢又好好受？唔好話我話睇怕健仔最初咪又係迷戀妳所以幫妳直播。」
Q：「我唔敢話我好，但我無做啲背叛男朋友嘅嘢。」
欣：「係呀，咁佢知唔知道而家妳同緊第二條仔一齊？」
Q：「唔知…因為有啲嘢攤開咗對大家都無好處，我只係唔想件事變得複雜，我同佢嘅嘢…我都唔識解釋。」
我：「欣姐，我諗妳誤會咗喇，我唔係佢隻兵亦唔係追求緊佢，識佢嗰陣亦早知佢有男朋友，我當佢係最好嘅朋友嚟㗎咋。」




欣：「重話唔係兵，護主就即刻衝出嚟叻唔切，呀David仔你有無咁純情呀，嗰晚睇住你突然擒住阿貞嚟嘴，啲動作純熟到我以為落咗蘭桂坊，你同佢會開房直落添。」
我：「無呀…一時忍唔住，玩下啫…」
欣：「好嘢，一個就通街兵，一個就忍唔住，到有需要嗰陣就喺道德高地話我咁樣唔啱，我都係一時忍唔住幫咗個處男破處咋，我無你咁忍得呀，你對住身邊位靚女有無性幻想過呀，係咪硬咗都唔J先，咁我就認你純情嘞。」
我：「我唔係純情，但…我J佢係因為佢嘅外表…不過，佢真係我最好嘅朋友嚟，我欣賞同尊敬佢成個人，所以妳唔好話佢利用我啦，所有嘢都係我自願㗎。」
欣：「唉，我唔知你哋呀，一個就養兵有方，一個就樂在其中囉好未？我無你哋咁叻，對住健仔會煩死我㗎，你哋放過我啦好唔好。」