【代糖故系列】《她被寄宿到屋邨男孩的家中》: K479

Y：『死仔包係咪喺度打緊牌？』
我當然知道可以扮未讀佢直至一段時間後，因為如果急事嘅話佢實會唔理三七廿一係咁打嚟震到我起機為止；佢搵得我九成都唔方好嘢，唔通同我講對波有啲痕叫我幫手揸咩？但理佢我又未至於會有滅頂之災嘅，可能重可以增加一下啲無用嘅好感度，加埋我想八下乜事。
如果佢俾人強姦…我一定會去吶喊助威，呀，唔係，係會同個強姦犯講我身先士卒自告奮勇再心膽俱裂咁試下佢隻鮑魚有無毒先，就等我用卑微嘅身體去保護呢條河豚…
我：『打完喇，幽蘭早走，我行緊返屋企。』
Y：『咁就啱，未返到呀？幫我哋買啲零食吖。』佢唔係請求，亦唔係詢問，係直接命令。
我：『買啲乜？請給我清單同埋現金。』
Y：『用你個豬腦諗啦，學校無嗰啲，遲啲先畀返錢你，唔係驚我吞你嗰少少錢呀？』
我：『我決定買乜嘅話，咁樣好大壓力喎…』
Y：『用你嘅常識啦，唔好太cheap，唔要清貨貼貼紙嗰啲，唔好影衰我，亦唔好玩嘢就得。』呵，等我重諗住望下超級市場會唔會有幾百蚊一盒嘅Godiva朱古力…
我：『等陣送去邊度畀你哋？』




Y：『五樓新翼多用途室，記住敲門。』
妳個臭八婆，信唔信我買畀你哋一人一條大洋腸吖嗱。
聽日係SU投票日，雖然我唔知得一個候選內閣其實有乜好投票，但係佢哋當然會開會備戰。
好想用大發鱈魚絲同嘉頓時時食嚟hea佢哋，開會重顧住食嘢，都唔知係去玩定係去做嘅，我從來就覺得SU好似比起社更加無用。同QQ住咗咁耐我就梗係識買零食啦，湖池屋薯片，明治夏威夷果仁朱古力，綠茶婊味Pocky，韓文蜂蜜牛油杏仁…買嗰少少一袋嘢咁就嚿幾水。
拎住咁多嘢食喺學校行唔係無風險㗎，但只要唔心虛…
點知撞到正QQ一個人喺樓梯度行緊落嚟。
Q：「咦，點解你會一條友喺度行上嚟嘅？」
我：「我…打完牌…順手幫SU佢哋買少少嘢啫。」
Q：「幫個八婆咪直接講囉，使乜話幫SU嘖，睇嚟你同佢上得多Lab堂，啲感情變得幾好咁喎。」妳誤會喇…
我：「可惜吖，我哋班得Phy Lab同Chem Lab無Bio…」




Q：「睇嚟你好想同人哋做生物學實驗咁喎，點呀，係咪對佢肉體好有興趣唧？」
我：「少少啦，假如從生物學嘅角度嚟講，都算係人體奧妙展入面一件優秀嘅展品，可惜佢生人勿近。」