【代糖故系列】《她被寄宿到屋邨男孩的家中》: K486

我：「吓…妳唔覺得咁樣好奇怪嘅咩？」
Q：「你要知道，單純嘅奇怪從來都唔係一個問題嚟，你寧願身邊係一個好奇怪但唔會傷害你嘅人吖，定係一個睇落好正常但收埋咗把刀喺後面嘅人，又例如，你喺條街度跳傑他他舞，最多都係成條街望住你同擺埋你上網，但係如果你過馬路唔睇紅綠燈呢，警察就可以嚟拉你。」
我開始唔明喺QQ嘅概念入面乜先係問題…例如我整到佢成大髀精都唔係問題，但心存惡念想佔有佢就係問題？
係咪即係佛家講嘅酒肉穿腸過，佛祖心中留…
我：『細龜…你突然咁問係乜嘢事呀？』
龜：『因為女神話肯見我但唔可以俾我睇到佢個樣，所以我決定黑布幪頭，但我無可能咁樣喺條街度，但我又搵唔到其他地方，所以就唯有麻煩你，求吓你啦。』
我：『吓，你想借我地方嚟同女仔玩？咁都得？』
我覺得如果咁樣求下就得，我應該可以去求下天王星幫我打飛機，辯稱我整傷隻手出唔到力，到時佢一定鼎力相助話無問題，隨即就手起刀落打！爆！架飛機！
龜：『幫吓我啦，一次㗎咋，唔會攪你間屋啲嘢。』
我：『你唔會諗住同佢喺度扑嘢呀？』




龜：『你黐線的，梗係唔會啦，約會咋，佢樣都唔出又點會做嗰啲嘢。』我諗你有啲誤會撈亂咗個主次，對QQ嚟講出樣係大鑊過扑嘢，同男仔做我諗佢心中覺得無乜嘢。
正如佢都講過，戴咗套咪得囉。其實我自己何嘗唔係咁諗，同細蚊或者韻婷做下都無乜嘢，只係為咗QQ…
我：『剩係約會？都唔係唔得，不過我要喺度，就當你哋上嚟打下機咁。』當然我唔介意睇打飛機表演。
龜：『多謝你呀！我而家去問吓佢先！』
QQ本來一面八掛咁睇住我哋chat，然後一手就飛咗部電話上床上面張被度，唔好咁對啲生果啦。
我：「妳又做乜呀女神，係妳惹佢返嚟㗎喎。」
Q：「我唔想咁快面對佢住，畀小小時間我抖下先。」有時啲女仔未讀未回唔上線，其實就係呢個狀態。
我：「人哋好歹課咗咁多畀妳，點都要應酬下㗎喇。」
Q：「就係收咗錢先煩，唔想得失佢，唔想對佢唔住，唔想佢失望，如果唔係我一腳踢開佢啦重使乜諗。」
QQ攤咗喺床休養生息，見佢咁樣我又瞓下晏覺先。




講真我以前間屋都成日招呼健康兩個上嚟玩，亦試過同一時間大卡車或者細蚊會喺度，為嘅咪就係曬命囉，如果佢兩個當時又識到女嘅話唔通唔俾佢哋帶上嚟咩，三五成群咪就係咁嚟㗎囉，只不過我哋應該唔會共用一個廁所…
過咗陣我feel到部電話震咗一下。