【代糖故系列】《她被寄宿到屋邨男孩的家中》: K487

龜：『女神話OK呀！佢話我見唔到佢個樣就得，唔使黑布幪頭剩係戴眼罩，不過有多一個條件，就係你都要戴眼罩，你會幫我㗎可？』嚟到呢個地步，我已經想象唔到係個女仔會上嚟俾我哋輪姦吖，定係我哋兩個會俾個女賊老笠；不過既然對像係QQ嘅話就肯定乜事都唔會發生。
如果我話唔OK，細龜會點呢？用錢收買我？應該係…
我：『都無話唔得嘅，只要佢唔係嚟攪事嘅話。』
龜：『佢唔會㗎，佢係個好乖嘅女仔嚟。』到底你係咪讀寫障礙定認知錯誤，你肯定一個女仔會同你玩埋啲咁嘅嘢會係一個好乖嘅女仔？
我：『咁就最好啦，但唔好太耐，我唔想坐監咁。』
龜：『唔會，見一陣，我諗一個鐘內，我試下約佢今個星期六，你屋企無人㗎可？』
我：『無呀…』都黐鬼線，課咁多金為咗見一個睇唔到樣嘅女仔，呢個價夠我搵兩個校服妹上嚟陪我過夜任玩咁滯，雖然而家嘅我好似無乜呢個需要。
我：「呀右女神，妳真係OK同佢喺度黑暗中的約會呀？」
Q：「唔知呀！我只係想快啲解決件事，佢話見完我呢一次就唔會再搵我，亦唔會再睇任何直播女。」妳真係信？我就麻麻地，通街都有人話自己再課要斬手指，你又幾可見到成條街都係傷殘人士？
我：「妳鍾意啦，控制到佢就得，唔好俾人強姦嗰陣要我救妳。」到時我都唔知幫邊邊好。




Q：「點會，我連你都控制到…做乜走咗過嚟㗎！」
我：「想攬住妳囉，就睇下妳可以點控制我。」
Q：「我同你講呀！你對我咁痴迷就係俾我控制緊。」
是但啦，有得抱住個靚女，又理得我係俾人控制定係控制人嗰個吖，所以我好認同細龜俾妳控制緊。
我：「但我間屋唔同以前喎，係人一望都知有條女住喺度。」主因就係佢唔介意啲底衫褲攤晒出嚟。
Q：「有乜辦法喎，執下屋咪得，好在你屋企本身都夠晒亂，啲嘢收埋一堆就唔會覺眼。」
我：「最大問題係妳啲鞋，就算我買原味底褲都唔會買原味鞋放喺度呀？」QQ嚟嗰陣得山窮水盡嘅三對鞋，而家係double都唔止，但作為一個女仔又好似好正常…
Q：「收埋喺床下底囉，不過就算間唔中有女仔上嚟搵你都好正常呀，以你嘅德性，放少少嘢喺度好出奇咩？」
我：「又真係唔出奇嘅，咁多女仔想佔有我。」
Q：「食屎啦，嘔呀！快啲同我去煮飯！」




結果，今個星期六唔止健仔嗰邊精彩，我哋呢邊都有特別任務，當然前提係欣姐記得又肯搵嗰條傻仔。有時覺得啲男仔好似個個都咁低B咁，唔知佢哋睇我又係點呢？但明明我就日日都俾堆女神圍住又點會同佢哋係一丘之貉。