【代糖故系列】《她被寄宿到屋邨男孩的家中》: K495

我：「乜雞仔呀，明明就係鳳凰嚟囉好唔好。」
Q：「擒賊先擒王，彈爆下面嗰兩粒鳥蛋先，咁就唔使再理上面嗰隻係乜嘢雀。」睇嚟佢已經王后上身。
龜：『我返到學校門口喇，女神佢都過緊嚟。』雖然我係住學校附近啫，你都唔使乖到喺校門等我呀，呢啲真係夠晒天真嘅好同學，或者佢根本無諗過點樣會方便啲。
我：『得，你等一陣，我好快就落嚟接你呀下…』
呢個時候QQ再巡下間屋，確保唔會有啲乜嘢異樣。
Q：「無問題，我哋而家一齊出門口先。」
我：「我就話去接佢啫，咁妳又會去邊度？」
Q：「廢話，我上幾層樓樓梯口準備，唔通我會喺度等佢咩，你，幫我抬埋個keyboard上去。」呢啲遊戲真係好麻煩，出出入入搬嚟搬去都唔知為乜。
QQ今日相對上著得輕鬆，半髀黑pant，冚pat鬆身T，就連妝都無化；又係嘅，唔出樣嘅約會化嚟有乜謂？
我：「咁我而家落去接佢上嚟㗎喇。」




Q：「嗯，放心啦，你唔使咁緊張，我handle到，陣間佢入屋之後我就會安排。」
望住自己啲朋友…我深深咁明白到做人千祈唔好做傻仔，寧願大大方方搵個女仔問佢可唔可以上床，最多俾人車到成塊面腫晒，都唔好俾人玩到成隻屐咁。
我：「朋友…我借地方㗎咋，陣間唔會理你哋。」
龜：「知道喇，爽大佬！多謝你幫手！」實在有夠荒謬…
望住佢小鹿玩過山車個樣，就知道佢而家係十萬八千七分期待，彷彿行咗八千里路雲和月終於可以得償所願同女神見面。回想當年我約到個女網友出嚟都係差唔多咁嘅死樣…我最唔明嘅係，明明我哋喺遊戲入面就老公老婆咁嗌，佢重肯呻吟畀我聽，同埋一路摸一路描述自己個身體…出到嚟我都只係隔衫揸波再攝隻手入去摸下咋嘛，做乜佢會好驚咁重要搵藉口趕住走，而且之後封埋我呢？
其實我唔算樣衰吖，亦唔太過份…不過我相信如果有得時光倒流嘅話一定可以改變呢段歷史，至少都要抱佢上床睇晒佢嘅全相…當年佢個波都大過蚊蚊少少，好想知佢下面生成點，呢啲嘢真係可一不可再。Angel姐姐又係，點解我嗰陣會怕咗佢，明明應該叫佢除褲畀我觀賞下。
我只係想發自內心稱讚佢哋嘅身體啫，又唔係想做啲乜，就算女神如QQ都覺得咁樣無問題啦，好似係。
就係咁，我哋兩個零交流咁行到返屋企。是但啦，我一早知佢副德性，所以都唔會覺得點尷尬…
我：「我打住機先，你自便就得，佢嚟到前就同我講啦…」為咗營造出一個完全唔撚關我事嘅氣氛，我一早就開咗架貨櫃車出嚟揸，亦希望咁做可以減低佢壓力。
條友仔就孭住個迷你龜殼背囊上嚟，重開始摷入面啲道具出嚟，包括日文字布甸一個，小鋼棒一枝，彩色水筆一包，眼罩兩個，十足十準備做實驗咁嘅架勢。