【代糖故系列】《她被寄宿到屋邨男孩的家中》: K508

都唔知佢幾點先返嚟，不如我自己去做gym算；本來諗住傻仔健多數會搵我，但竟然好似人間蒸發咗咁，唔知佢究竟係胸多定拮少喇，唔煩住我都係好事嚟嘅。
我：「喂，女神大人搵我所為何事呀？」唔知佢乜情況之下打嚟，我當然要步步為營。
Q：「你條友仔係咪重喺屋企？無去溝女呀？」聽到佢講埋啲咁嘅嘢，就知佢嘅身邊而家好安全。
我：「邊有女俾我溝喎…我正諗住換衫去做gym。」
Q：「咁就啱嘞，幽蘭話佢好耐無去想約我哋一齊去，我哋呢邊而家啱啱散，你等埋我上嚟再一齊出門口啦。」
哦，都正常嘅，我諗大小姐佢星期日會比較得閒，不過以佢咁嘅頻率嚟講可能一個月只係去到兩次，但對佢嚟講呢啲嘢並唔係一個問題嚟，只要陪到QQ佢就覺得值。
QQ返嚟除校服，換sport top再笠件闊T，全部喺我嘅面前進行，見佢打仗咁嘅辦事效率就無心情分析佢肉體。
Q：「快啲出去喇，佢架車已經係樓下等緊。」呢個管家到底使唔使放工㗎，星期日都隨傳隨到嘅…
而我又要同時對住兩個真女神，每次啲感覺都有少少怪，可能係因為乜都要就住就住唔知點咁，但其實佢哋應該係懶得理我。落到去錶位就見到佢架私人校巴，佢已經換好一套運動服裝企咗喺車門口側邊迎接我哋，當然唔係學校套PE衫，既然架車係佢嘅流動屋企嚟自然唔使擔心佢點換衫…
V：「嗱，上車啦…喂，唔係呢度呀！」我正想行上去嗰陣佢伸手截停咗我，都唔知佢攪乜鬼。




我：「咁我要喺邊度上車？」
V：「你坐前面呀！唔准再分開我同埋Queenie，重有呀，邊有男仔自己上車先㗎，咁無風度都有嘅。」欸，我錯囉，平時同QQ兩個人玩得太癲的確注意少咗呢啲…
我：「其實我坐最後面都得㗎。」
V：「唔准呀，後面好多我嘅嘢，你唔准坐入去！」據我所知就應該有校服，隨時重有著過嘅底衫褲…不過以我同妳嘅關係無乜所謂咋，妳係咪做樣畀QQ睇？
我：「我一個小朋友坐前面得唔得㗎…」大家都知道我好少坐私家車嘅經驗，細個搭的士嘅次數其實一對手就可以數晒，以前會覺得坐車頭好威，緊張刺激又有風景睇，大人永遠就話小朋友只可以坐後面，有段日子我甚至以為交通法例係禁止未成年人士坐車頭。
換言之即係扑嘢同坐車頭一樣咁刺激。
Q：「你唔好撩架打得唔得，你就嚟喺巴士上層頂頭㗎喇…」女神你太睇少我，其實我立正個人已經一早頂咗…
然之後我上車，個管家永遠都係一副咁專業嘅面孔，佢唔會專登望住我當我客人咁服侍，所以唔會太大壓力嘅。
兩個女神坐喺老細位度糖黐豆咁撓對方隻手，細細聲講大聲少少咁笑，我覺得呢個位唔多啱佢哋，中間兩個扶手阻鬼住晒佢哋相親相愛，畀架貨van佢哋就差唔多。