偶然的機會下調了個靚位 從此展開荒X不羈的生活: K784

欣：「唔止呀！因為我之後反制返，佢又俾我整返硬喎，全靠你個女神啲靚靚底衫褲咋，俾我清空完佢而家散…喂！死仔包咪攪我隻gap呀…」
無等佢講完我就cut咗線，唔係因為我頂唔順佢哋咁樣放閃，以我道行嚟講做現場觀眾再即席打埋飛機做汁男都無問題，我只係認為我嘅作用已經完結佢兩個可以繼續尋開心。一個電話，好似令我來回又折返兩個平行世界咁。
無話羨唔羨慕，只係大家被安排存在喺各自嘅環境中。
Y：「吖，你條友又顧住喺度打機。」
我：「欸…唔係嘅話我有啲乜做？錄咗幾次音喇。」
Y：「睇下我哋兩個靚女玩音樂點都好過望住部手機呀？」
我：「都無理由望足成粒鐘呀。」
Y：「唉，差啲唔記得咗添，基本上你除咗瞓覺之外全日都對住女神，反正就順手拈來，係唔識珍惜㗎喇。」
我：「又唔好咁講，但無理由廿四小時不停諗女㗎…妳做乜走咗過嚟嘅，唔陪佢練嗱？」
Y：「小提琴嘅人體工學係差少少，玩太耐會膊頭痛，所以都要抖下。」




我：「哦…係咪暗示我呢個奴才要幫妳揼骨按摩咁？」
Y：「哎，千祈唔好，俾班長見到就唔係幾好睇。」
我：「妳怕㗎咩…上次喺佢面前惜我咪又係咁。」
Y：「唔同，上次所有人喺度，我明玩嘢，但如果我私下同你太親密嘅話唔知佢會點諗，始終佢係好純。」
我：「唓，咁妳又搵我做妳隻兵，唔係預咗㗎咩？」
Y：「點同，唔好唔記得第一係為咗應付團長，第二係我本身就有本錢玩仔，但如果同你太真嘅話就好難睇。」
我：「有幾真喎，我同妳扑埋嘢都唔會係真啦。」
Y：「屌你，佢細路女嚟咋，見到我同你黐得太埋就會覺得係真㗎啦，點會諗到後面啲嘢。」
我：「如果玩嘅同真嘅都唔識分，其實幾危險下。」
Y：「邊似得你同QQ咁好默契，晚晚玩都唔會擦槍走火，無變成樂極生悲。」




我：「有㗎，我靈魂走咗火，不過死忍嘅啫。」
Y：「所以班長覺得你係鍾意QQ㗎，同我就唔好黐咁埋。」有時唔知佢哋點定義，我同佢哋幾個嘅距離早就超越晒一般男仔認為普通男女同學嘅合適尺度。
我：「哦，妳哋鍾意點就點啦，我都係配合妳哋…不過佢精力實在係好到得人驚，永遠唔使抖咁。」
Y：「人哋好勤力做開運動㗎，呢層你重清楚過我啦。」
我：「唔同嘅，練空手道始終要停頓，應該係帶氧同缺氧運動嘅分別，話時話妳覺得佢趕唔趕得切練好成首歌？」
Y：「按照而家嘅進度，佢係好有可能可以完整咁打晒成首歌所有音符。」做乜要簡單複雜化咁講出嚟？
即係話我嘅奬品應該會落空？無所謂啦，其實都好嘅；我既無再厚嘅面皮對住佢飾演一個衰人，為咗滿足一己私慾嚟去侵犯佢嘅身體；而我更加無可能用一個真正男人嘅身份面對佢，作出一啲佢永遠覺得唔可以係玩嘅身體互動。