偶然的機會下調了個靚位 從此展開荒X不羈的生活: K785

Y：「不過音樂係藝術而唔係技術，唔係話打啱晒就得。」
我：「噢，此話何解？」
Y：「即係如果一件事係技術，就好似中文默書咁，你只要喺張紙上面寫啱晒所有字就得，無論你啲字有幾打風，只要認得出係啱嘅就可以一百分，但例如你走去刻一塊石碑，除咗要全部啱之外，重要帶出個美感同埋氛圍，加埋錯一個筆劃就已經無得返轉頭，所以係兩回事嚟。」
其實我唔太同意，呢個年代有紅毛泥，只要填返平再磨過最後上色就可以掩人耳目，等於用細楷筆油顏色交大楷字一樣，眼見即為實。
我：「咁唔知，去到最後會點呢？」
Y：「要睇佢做化喇，我哋幾個就一定會盡力嘅，除咗Zilvia有少少阻滯之外我哋隨時上台都得，唔敢講有幾大把握會贏，但至少我哋以至於佢都唔會出醜嘅。」
我：「妳哋幾個女神嚟喎，上台演奏小蜜蜂都可以贏得全場鼓掌啦。」
Y：「你呀，擦鞋都唔好擦得咁過份啦，我哋又有乜可能做得出啲咁嘅嘢呀，至少我同埋幽蘭係可以solo大黃蜂。」
我：「知道…妳哋叻叻囉，全部都係出色優秀嘅女神嚟…」
Y：「講到出色，你唔覺得呢位先係表表者咩？」




我：「妳哋幾個…重有需要分高下嘅咩？」
Y：「你唔覺得佢心入面有團火嘅咩？唔似得我哋幾個都係食家底，最上進嘅係佢，最有活力嘅亦都係佢，可以話係完美嘅體格，擁有model嘅身高，而且身材都非常標青…加上唔同QQ…佢係單身嘅A0女神，係一個處女嚟。」
我：「妳咁講…到底係想表達啲乜？」
Y：「真係唔考慮下？你未必等到QQ㗎喎。」
我：「既然明知無可能，點解重要諗喎。」
Y：「咁點解你又會覺得屋企嗰個有仔嘅你係有可能呢？」
我：「其實…都係無乜可能，只不過現實係一齊住緊。」
Y：「唔好唔記得QQ係一個非常醒目而且經驗老到嘅女仔，相比之下，班長佢其實係單純好多亦直接好多。」
我：「係，咪就係直接趕走晒啲仔囉。」
Y：「唔同QQ時不時就有啲男仔黐埋去，班長佢呢…你就係唯一一個可以親近到佢嘅男仔，以你古靈精怪嘅手段，你敢肯定如果你扭盡六壬嘅話係無可能制服到佢？」




佢係試探我吖，定單純想食花生？外人睇落我同佢當然做咗朋友，而實質上…咪就係朋友咁大把囉。
我：「唔可以，因為我唔會背叛QQ，唔關得唔得事。」
Y：「唓，乜隻Q有鎖住你咩？喺街攬EX就唔叫背叛？」