【士㞗彈系列】《她被寄宿到鹽水男孩的家中》2K15中: K787

我：「我哋一齊住啫，唔好諗到我可以對佢亂咁嚟先得㗎…」至少QQ平時啲體毛都係包得好好嘅，無咁野性。
Y：「我就唔信你條友睇都無得睇呀，你間屋細到咁，唔通佢每次換衫褲都要匿埋喺廁所咩，都成年咁滯咯。」
我：「睇就唔係話無嘅，但睇還睇…唔等於有得食㗎，有得睇無得食重辛苦，就算妳都唔會畀我食啦。」
Y：「又未必嘅，如果你誠心誠意追我，或者有欬謦嘅，唔吹先喇，我抖完要去繼續陪班長練喇。」
呢個女仔嘅威力呢…好彩佢唔會走埋過嚟一齊住，否則我背叛QQ嘅日子實在指日可待。
有時我都會喺度反思，自己係咪已經背叛咗好多次QQ，至少我同呢堆女仔發生過嘅事情全部都唔敢滙報畀佢聽，雖然佢或者只會哦一聲再表示唔care。但又其實唔係吖，按照我原本嘅人設，佢哋絕對係會遭逢我嘅毒手，首先幽蘭一定要噴水，天王星一定要投降，至於易汪…就未必咁好處理，而家我起碼嚴格遵守咗對QQ嘅承諾。
不過如果我咁玩，可能早就做咗俾女神唾棄嘅走狗。
睇住易汪嘅發揮，睇住班長嘅進步，有時實在唔知自己係乜，或者就只配做佢哋金碧輝煌人生嘅一個觀眾。
就算QQ跌咗落嚟，佢最後都一定會展翅翱翔離我而去。
呢班女神對我嚟講，會唔會只係拖累嚟？如果無咗佢哋，我大可以同細蚊再續情緣，或者做返個小薯仔同韻婷兩小無猜，甚至接收Flora沉淪慾海…雖然明知呢個假設係企唔穩嘅，因為QQ先係一切嘅根源。




而且望住YY同班長，我又邊捨得吖，其實而家幾好。
Y：「做乜唔打機喇，發怐愗咁，喺度性幻想我哋呀？」
我：「少少咁啦。」我都懶得掩飾。
Y：「好彩有Uranus喺度唧。」
我：「點解咁講？」
Y：「如果得返我哋兩個喺度，驚忍唔住同妳扑嘢。」
我：「黐線㗎咩，團長都講過呢度係有cam。」
Y：「我留意過喇，錄音室入面呢度係影唔到嘅。」唔怪得，佢頭先可以喺度放肆嘴我又揭開條裙啦。
我：「呀YY…妹妹，妳有無咁曳呀？」
Y：「呢個唔係曳囉，你可以性幻想我，點解唔反轉得？」




我：「可以，但…對妳嚟講…我值得咩？」
Y：「唔值㗎，用㗎咋，就係開始覺得唔抗拒先大鑊。」
我：「其實…妳哋應該好易識男仔呀，例如之前男班長都接近妳吖，咁妳又唔會…定係？」
Y：「無呀，低B，對住佢我極之抗拒。」
我：「唉，難以理解，QQ又係，同瘟神可以黐到埋一埋搭住膊頭食晚飯，但口講就話對佢零興趣。」