【士㞗彈系列】《她被寄宿到鹽水男孩的家中》2K15中: K788

Y：「乜你唔係好清楚女仔嘅咩，有無咁難明呀？」
我：「從來都無咁講過囉，俾妳哋圍住可能更加糊塗…」
Y：「你都唔係無女埋身吖，乜你又有食韻婷咩？」
我：「唔好提喇，妳又唔係唔知我乜處境。」
Y：「妳哋鍾意靚女，見到就硬晒，可能就會覺得我哋都一樣想俾靚仔攪，某程度上係啱嘅，但絕對唔剩止係咁樣，至於我唔抗拒你，可能因為你實在係太過仆街。」
我：「做乜鬧人喎，越嚟越唔撚明…」
Y：「團長亦都係個大仆街嚟，所以我都曾經好想攪佢…總之你對我嚟講最大嘅抗拒因素就係QQ，而你作為我隻狗，就要聽晒我話，防止我發生呢個不可挽回嘅錯誤，因為萬一衰咗，我就會命令你好似隻狗咁隨傳隨到喂飽我。」可能相處得耐咗，我唔記得咗佢係黐線嘅…
我：「妳冷靜啲先，我未有咁衝動，唔好咁大力摙落…」
Y：「所以你最好同我盡快扑濕QQ…」「叮噹。」
打鼓嗰個戴住耳機當然乜都唔知，而我哋就一齊望去大門口。其實我哋幾個有呢度密碼又點會㩒鐘，咁亦都唔會係團長？定係有其他人臨時卜咗場或者漏咗嘢喺度？




Q：「我嚟喇！」嚇死…好在佢有㩒鐘。
班長點咗下頭就繼續埋頭苦幹，至於隻Q就行咗過嚟。
Q：「你兩隻嘢做乜喺度偷懶？」
Y：「妳唔拉琴又點會知，膊頭好攰㗎，你嚟就啱嘞，我哋諗緊食乜，pizza啱唔啱？妳唔會咁快走㗎啦？」
Q：「唔會呀，啱啱附近補完習咪嚟陪妳哋練囉，pizza OK呀，我都唔諗住返屋企食飯。」呢兩個女仔，講乜都唔會眨眼嘅，總帶住無限嘅自信心。
Y：「奴才，聽到未呀，準備出去攞嘢食返嚟畀你個娘娘啦。」佢唔知幾時已經入到去揀菜色嗰一頁準備埋單。
Q：「嗯，果然御兵有道，不愧係我嘅好姐妹。」
Y：「幫妳呢個娘娘咋，平時成日由得隻嘢喺度放肆。」
Q：「無囉，無當過佢係兵，隔籬位咋嘛。」有時覺得呢三隻字真係大晒，乜都可以賴晒落去咁。
法官大人，我無心強姦佢㗎，最衰佢坐喺我隔籬咋嘛！




Wendy，妳人生坐過我三次隔籬位，求妳一定要幸福。
結果我就好似個傻仔咁俾佢哋趕咗出去攞嘢，重要行返去荷里活嘅必勝客，其實妳哋咁有錢做乜重要揀自取而唔外送？可能我實在係太過好用。
行到去再等多十分鐘到，我憑號碼得到一個必勝批。
我：「喂，幫我問下易汪，得一個批only？」
Q，Y：「嗱，佢喺度…係呀，一個大批咋，我哋食一件都夠啦，呢度又已經有嘢飲。」
我：「哦，咁我行返嚟喇。」我一路行一路望張單紙，海鮮至尊芝脆批大批，咁睇嚟應該夠嘞…重係我平時無乜機會食嘅組合嚟。