【士㞗彈系列】《她被寄宿到鹽水男孩的家中》2K15中: K789

返到去開餐，天王星坐低就即㨃兩件然後繼續開工，睇嚟佢為咗目標可以連姐妹都唔理，QY兩隻就慢慢歎，有講有笑先一人食咗一塊，而我食咗三塊之後就死都唔再食，佢哋先姐妹情深咁分一半嚟食，再將條無餡嘅芝心條塞入我個口度。望住佢兩個呢…QQ分別同幽蘭同易汪都係好朋友，但啲相處模式實在係大相逕庭，服咗佢哋。
Y：「差唔多九點喇喎，聽日重有兩三份功課要交…」
U：「橫掂嚟咗，我而家返去同十二點先返去差別不大，啲功課聽朝先做都未遲，你哋可以走先。」雖然論主權地位天王星對我係最大，但佢未自私到要我一條友留喺度陪佢嘅，所以我哋三個就乖乖走先，又係呢條麻煩路線…
Y：「欸，不如你兩隻嘢唔好跟住我喇。」
Q：「嗯，做乜無端端咁講，無嘢吖嘛？」
Y：「我只係覺得，唔想攪到好似搶咗妳條仔，阻住你哋相處嘅時間咁，所以想行先。」
Q：「吓，點會喎，我同佢呢啲好閒㗎咋，乜我條仔…」
Y：「嗱，總之你兩個就獨處下，培養下感情，我想行先。」當然我知佢係善意咁唔想我哋遊車河。
Q：「咪玩啦，都識咗咁耐重有乜感情好培養。」某程度上我又覺得無錯嘅，一早就已經鍾意到傻，唔通感情上真係可以每天愛妳多一些咩，數並唔係咁計嘅。
Y：「咁你兩個係咪好唔想獨處先，我唔喺度會尷尬？」




Q：「有乜好尷尬？而且佢都唔會敢對我亂嚟。」
Y：「咁就得啦，我行先，你哋一分鐘之後先好郁。」講完佢就快步行開，好似好驚我哋會追到同一班車咁。
Q：「攪乜鬼…係咪你條友仔激嬲咗人哋？」
我：「我有乜嘢可以激嬲到佢喎，或者佢M到咋…」
Q：「喂，講清楚好喎，係咪我唔喺度嗰陣你對佢做咗一啲唔好嘅事呀？好快啲從實招來！雖然以佢嘅性格應該唔會講出口嗌唔好，但唔等於佢會鍾意㗎喎。」
我：「妳當我係乜呀，就算我鹹濕都唔等於我會亂嚟㗎，佢自己咪重離譜，上次無端端惜落我度。」
Q：「點同！女方做主動就乜都得，唔等於你哋可以對我哋做相同嘅嘢。」喺香港，呢啲唔叫女權主義而係叫港女文化，要喺度生活先會明，外國人聽到搲晒頭。
我：「真係無咯，最多咪扮friend咁㧻下佢啲baby fat。」
Q：「喂，你咁講…係咪即係㧻咗佢對波呀？」
我：「黐線！咪老屈我呀，嗰度係叫adult fat而唔係叫baby fat囉。」況且使乜㧻，直接揸落去好過啦。




Q：「總之…你應該識睇佢心情，控制到㗎啦？你又唔係唔知青春期嘅女仔心理上係比較麻煩，係需要體諒下嘅。」媽咪呀，我想嗌救命呀，妳兩個就唔該唔好喺我面前扮青春期啦，明明對住我就…唉…我忍得好辛苦㗎。