【士㞗彈系列】《她被寄宿到鹽水男孩的家中》2K15中: K794

我：「絕對無呀！完全清白！嗰啲係妳嘅好姐妹嚟，我又點敢對佢哋亂嚟。」無…無囉…佢哋挑釁咋嘛…
Q：「好呀，咁你發誓答我有無同易汪上床？」
我：「無呀…我發誓…無同佢上床…點會有。」
Q：「如果講大話，JJ會俾人咬爛再沖落馬桶。」
我：「呢個就當然㗎啦，我點會再講大話呢…」
Q：「算你啦，如果食咗佢記住同我講呀，繼續做功課先啦。」女神企喺身開始解Bra。
我：「知…知道，係呢，咁你而家啲週記係寫乜㗎？」
Q：「大部份係中作嚟，無謂提，沖涼先啦。」佢講完就一嘢將個奶罩飛落我心口，又暖又重奶味嘅。
我聞咗兩下都幾純，唔係我鹹濕，只係想證實一下佢同條仔有無曳曳，雖然準確率唔高…
最後，我同個飛釘少女做功課做到十二點幾先上床。




我：「係呢…如果我同易汪上咗床…妳會點？」
Q：「無乜點，個姣婆搵得你玩，你又咁鬼鹹濕，可以話係好容易發生嘅事情嚟，無發生到只係一種巧合。」
我：「有無咁易呀…佢點會咁益我。」
Q：「話唔埋㗎，但佢唔係益你，只係各取所需啫，可能佢都想玩下，對你哋嚟講只係加一咁解啫，唔好諗住個衰妹會睇上你，更加無可能因為你而同條仔散。」
其實呢句…妳係咪暗示緊妳自己咋。
我：「而家就一定唔會發生，到佢十六歲就有啲難講。」
Q：「不過你玩還玩，係同佢呢個魔頭玩好喇，其他姐妹你掂都唔好掂呀，出硬事㗎。」
QQ先係真正嘅女魔頭，其實佢心水好清，睇嚟我都係要忍下手至得；我知道QQ直接問我同佢有無上床係放咗條生路我行，如果唔係佢問我哋兩個之間到底發生咗乜嘢事，到時我就啞子食黃連咯。諗返轉頭，最好嘅女仔咪已經喺我屋企日日對住囉，呢個係鐵一般嘅事實嚟，嗰啲佢有無仔，我係咪單身又有乜咁重要呢？
重要得過佢而家係我嘅性需要首席負責人？
今日係偉大嘅星期三，因為可以係咁對住幽蘭。




V：「欸，我今日嚟唔到打橋牌呀，你自己去玩啦。」
我：「啊，點解嘅？」
V：「放咗學佢哋要嚟我屋企開作戰會議。」
就係咁，我同左女神幽會嘅機會就白白無咗；佢哋無諗住叫埋我去，應該係好事嚟嘅，因為身處幽蘭屋企已經唔多自在，再俾佢哋五個圍住就實在唔知想點。
咪幻想埋啲乜酒池肉林或者韋小寶啦，要單食都難過登天…所以決定有時間就同健仔做下project。
健：「琴日…唔該晒你…」
我：「唔使唔該，一次半次㗎咋。」
健：「放心啦，正常情況我哋都會去開房嘅。」