【士㞗彈系列】《她被寄宿到鹽水男孩的家中》2K15中: K793

我就係一個不折不扣嘅罪人，你叫我而家點同佢玩色色遊戲喎，就算我再衰仔都係會心痛㗎。
我：「咁妳同佢過得還幸福嗎？」
Q：「OK咁啦，佢開心時我都開心嘅，好過自己一個。」
我：「算啦，妳又唔係唔知我份人，除咗識鹹濕之外就無乜貢獻，我諗只係阿花佢有眼無珠，都係無謂害人。」
Q：「你就…係衰啲嘅，不過總算唔會傷天害理，如果你對人無興趣就放過人啦，我都唔想睇住你摧毀人哋。」
睇嚟妳都好認同我嘅破壞力，而妳同YY咪就係百毒不侵嗰兩個嚟囉；妳知唔知我一直以嚟為咗妳忍得幾辛苦，但又…就算點忍都好似有得抽女仔水咁。
Q：「不過你日日對住我哋，睇唔上一般女仔係好正常嘅，只可以話抵你死，你都係自己一個人算啦。」
我：「我抵死囉，唯有繼續助養妳。」
Q：「你甘唔甘心㗎？覺得回唔回到本先？」佢擰過嚟對住我，雙臂夾住對波，夾到連個Bra都離離地，可惜豐滿嘅軟肉好似水銀咁攝咗入啲更深入嘅位置。
我：「甘心！回到本！助養一百世都願呀！」




Q：「你肯定？可能我下世唔係一個靚女而係醜女肥婆嚟喎，你接唔接受到㗎？」
我：「可唔可以唔好咁大反差，肥都可以減嘅啫…」
Q：「呢啲嘢唔到我揀㗎喎，一出世生成點都係靠Ran，今世靚Ran就輪到下世爛Ran。」
我：「我覺得…最重要係等我知道嗰個係妳，樣呢啲嘢可以慢慢適應嘅啫，可能…一百世有五十世係靚女呢。」
Q：「如果我個樣唔同晒，點話畀你聽嗰個係我嚟？」
我：「咁似乎，我哋要謦好一個暗號系統先。」
Q：「咁有乜暗號啱我哋用？」
我：「就…就用『週記錯字改正』啦！」
Q：「低B，重以為你會話飛釘少女入侵我家添。」
我：「唔係幾好嘅，雖然我係超鹹濕，都唔想嚇親下世嘅妳，呢啲嘢應該循序漸進發展嘅。」




Q：「不過你講得無錯，到而家你啲週記重係鬼死咁多錯字，如果要改正抄死你都似。」
我：「吓！乜妳重有睇我週記㗎？除咗硬碟之外…」
Q：「點吖？家陣我係咪唔睇得先？你啲週記無聊到飛起，乜外送動物六十蚊嗌到兩個飯盒都好寫出嚟嘅？」
我：「咁…我嘅生活就係咁無聊吖嘛。」
Q：「係咩？又唔見你寫同幽蘭打牌，同女班長打空手道呢啲，你應該好充實㗎喎。」
我：「哎唷，呢啲邊出得街…咪加重Miss負擔啦。」
Q：「係件事唔出得街吖，定你哋做嘅嘢唔出得街呀？講清楚啲好喎！」