【士㞗彈系列】《她被寄宿到鹽水男孩的家中》2K15中: K796

我：「喂，你都識講啦，係感覺呀，佢係人哋條女嚟㗎，而家無無謂謂咁玩完會好唔知點㗎，等有感覺先啦。」
健：「都係嘅…係呢，整網頁做乜又唔搵埋阿花嘅？」
我：「算啦，佢都幫唔到啲乜嘢手，無謂嘥時間啦。」
當然，我係怕咗佢，更驚嘅係我自己會忍唔住。實在係諗極都唔明，明明屋企有個極品女神喺度，偏偏呢段日子就不停咁有誘惑殺埋嚟，唔通連個天都要考驗我定力？
巧立名目食個tea，hea做咗粒零鐘網頁就返屋企；自己一條友喺度就唯有打下機啦，斷估QQ都無咁早返嚟。一直喺度等等等，等到有消息嗰陣竟然係通過YY嘅，佢哋貼咗一張喺幽蘭家聚餐嘅相出嚟，有牛扒、羊架、魚扒…
一直以嚟我都無fol QQ嘅IG，但係因為YY話要借我嚟做兵，佢就迫我呢個清水account fol佢，是但啦，反正我都鍾意睇佢呢個靚女，最好賣多啲肉添呀。
我開始發覺只要無女仔喺身邊，就會有活唔落去嘅感覺…要忍住，千祈唔可以搵細蚊，或者多手採摘小花。
我：「咁夜嘅？」我聽到鎖匙聲就開門畀佢。
Q：「有幾夜呀，你唔係唔知我要點返嚟㗎啦。」
我：「幽蘭屋企附近無MTR，重以為妳哋會分開走。」




Q：「妳娘娘囉，幾好心地的士車埋我去奧運搭一個站…」呢隻YY真係吖…擺明要惡攪佢先安樂。
我：「辛苦晒…妳下次可以叫我去接妳嘅。」
Q：「做乜對我咁好呀，你個樣好可疑喎。」
我：「邊係呢…我一向都咁惜妳㗎啦！」
Q：「你條友仔…無事獻殷勤…」
我：「不亦樂乎！」
Q：「你梗係樂㗎，成副色狼樣咁。」
我：「無呀，一個人喺屋企有啲悶，所以咪掛住妳囉。」
Q：「係嘅，今日本來係你同幽蘭嘅幽會日，最衰都係我哋個會阻住你嘅雅興。」
我：「妳點可以咁講嘢㗎，我邊有同佢幽會喎。」




Q：「諒你都唔敢，得罪大財團小心你小命隨時不保。」
我：「所以呢，我掂都唔敢掂的，你唔使過慮喎。」
Q：「唉，人哋一早就知你係鹹濕仔嚟啦，點會唔提防喎，不過話晒你都係佢嘅第一個異性朋友嚟，千祈唔好攪到佢驚咗男仔呀，重有呢，佢見你呢排同易汪同天王星friend咗，對你觀感好似又好咗啲…」呀右女神，妳知唔知呀，其實我係有權同妳投訴佢性騷擾我㗎。
不過幽蘭又係嘅，我諗心理唔平衡就好容易有呢啲感情偏差，正如長期缺愛缺異性緣嘅健仔就深深咁愛上咗欣姐一樣，講真呢啲淫賤大姐姐邊值得愛㗎，攞嚟玩足矣。
正如我而家都唔會話想愛卡車，玩就當然無問題啦，但講到要惜都係惜佢學妹細蚊多啲。
我：「係呢，妳哋搞咗咁耐其實謦咗啲乜，明明聽日都一齊練啦，做乜今日重要開會嘅？」
Q：「目的唔同吖嘛，今日我哋去幽蘭屋企度身。」