【士㞗彈系列】《她被寄宿到鹽水男孩的家中》2K15中: K803

我：「唔係呀，以前嚟過好幾次，但呢一兩年都無嚟過。」無錯…就係我N耐前講過嘅集水區。
F：「但嚟呢度有乜做？」
我：「咁囉。」我望咗兩眼然後踎低執起塊石頭，一嘢片落集水區嘅水面，彈咗三四下之後直接過埋對面岸。
Sor，可能係我誇張得滯，由於呢度係出水口所以得十米左右，唔好諗住啲乜嘢過百米健力士紀錄。
F：「嘩！好犀利呀！」佢即刻執起一塊試掟。
我：「無他，惟手熟爾。」當然一嘢插咗入水底。
F：「你第一次帶人嚟呢度？」
我：「唔係，同波友嚟過兩三次，都帶過一次女仔嚟。」
F：「唓，原來我唔係第一個…」
我：「做乜喎，我好多第一次都已經無咗㗎喇。」




F：「咁你帶個女仔嚟做乜先？」
我：「講起就可惜，嗰陣中一啱啱開學我重係暑假mood，放咗學就梗係唔返屋企啦，就帶咗個暑假識嘅女仔過嚟，當時我重係一個可愛嘅小朋友乜都唔識結果乜都無做…」
F：「如果唔係你想做啲乜先？」佢疑惑咁望住我。
我：「起碼…都揸下波仔…咁樣囉。」
F：「嗱，呢度就有得你揸喇。」佢指一指自己心口。
我：「唔好咁啦，而家嘅我又唔係嗰陣嘅我…」
F：「咁你點解會帶我嚟呢度嘅？」
我：「吓…又係妳叫我帶妳去一笪無人嘅地方。」
F：「又…好似係喎。」然後佢就抱住咗我，我咪掃下背，用左手摸下佢個頭囉，然後佢又嘴埋嚟。
F：「喂，唔係咁㗎喎…」




我：「乜嘢叫唔係咁先？」
F：「上次你唔係咁惜我㗎，點解今次唔係上次咁㗎？」
我：「都話上次係送個體驗畀妳，唔係次次係咁嘅…」如果次次一樣，我咪日日可以除YY底褲睇毛蟹同唧到QQ成隻大髀都係？呢個世界邊有咁大隻蛤乸隨街跳。
F：「妖！掃興！你都唔惜我嘅…衰人！」
我：「唉，我個個都惜㗎啦，做乜鍾意埋我呢啲衰人喎，我只係唔想妳隔一排就嬲咗我咋，嚟…坐落嚟吖。」我坐咗喺一塊石頭上面，由於呢度七零八落，我唯有叫佢坐喺我大髀度，然後喂粒魚蛋畀佢食。
佢食到第二粒，就咬開一半喂返我，我亦欣然接受。
F：「可惜吖，呢度亂七八糟，啲水重好似好污糟。」
我：「無辦法啦，九龍要玩水要去到好鬼遠，細個嗰陣探險發現到呢笪可以行到過嚟嘅地方已經好開心，我成日幻想如果啲水有一日清澈見底就可以跳落去游，不過明知無可能…哈哈。」
F：「呢笪地方其實有乜用㗎？」
我：「唔知噃…但實係有人起出嚟…可能係山上面水塘啲支流？但而家啲水咁樣應該無可能飲得，又或者呢度起豪宅之前有啲鄉村喺度，係畀啲村民攞水用掛。」