【士㞗彈系列】《她被寄宿到鹽水男孩的家中》2K15中: K802

我：「如果妳想，都可以請妳食嘢…或者睇戲？」
F：「唔使喇，我又唔係嚟為咗黐你著數嘅，我要減肥呀，而且呢排好似無乜戲啱睇。」可能因為無成人動作片上…
我：「咁…我去還鎖匙先，陣間校門等啦。」
出咗校門當然好自然咁向住某一方向行，盡量唔好引人注目啦，其實一男一女喺條街行又有乜問題呢？
F：「阿哥你屋企有無人呀？」
我：「欸…我爹地今日重喺屋企呀，如果妳屋企無人都可以嘅，我應承妳我會忍得住。」咁今朝真係喺屋企…
F：「無人要你忍呀…我屋企都有人喺度。」
我：「無辦法啦…妳想行商場？去圖書館溫下書？」
F：「我剩係想去一笪完全無人嘅地方。」呢位小妹想攪乜呀，要知道呢啲鐘數周圍都係人，停車場都唔安全。
我：「呀…如果要絕對無人，我又真係知道呢啲地方。」




F：「咁就去嗰度啦，你帶路。」
我：「有啲偏僻㗎喎，同埋戶外無冷氣。」
F：「而家都唔熱啦，你帶我去就得咪咁多聲氣。」
妳話去邊咪去邊囉，我又無所謂嘅，希望係啦。
F：「喂，咪話咗唔使食嘢囉，你做乜買嘢食呀？」
我：「無呀，呢啲傳統嚟嘅…妳咪當爬竹棚點解要黐啲包上去咁囉，唔會迫妳食，呀，唔該魚蛋燒賣各十粒，zero兩罐，係咁多。」
買完嘢就繼續上路，大致上係向山邊方向行。
F：「咦，你帶我嚟公園呀？重有好多人喎。」唔止好多人，重有好多學生，有打波嘅，重有偷情嘅情侶。
我：「梗係唔係啦，我平時打波就話嚟呢度啫。」
F：「係呢，呢一年好似少咗見你喺條街度咁嘅。」




我：「因為…要讀書吖嘛，而且功課又多咗，無得好似以前咁晚晚躝街喇。」剩係返三日工已經KO咗我。
F：「定係走咗去陪啲女神們玩咋？」
我：「少少咁啦…我而家夠陪緊妳玩啦係咪先？」
穿過咗公園，我哋繼續去半山方向前進。
F：「你…帶我嚟睇豪宅呀？定係想同我講你其實有另一頭家？」如果我住呢度，怕且QQ已經日日同我含緊撚。
唔知呢？唔知QQ會唔會鍾意好有錢嘅我呢？
我：「唔好做多餘嘅幻想，繼續跟我行啦。」我望下啲樓，怕且呢個地段只係稍稍不及幽蘭之家。
我：「拖實我…小心啲…」沿住啲維修路段，行咗三四十米已經嚟到目的地，雖然呢度非常之咁近市區，但喺茂密嘅林蔭之下彷彿已經去咗個與世隔絕嘅地方，係會聽到少少車聲咁大把。
F：「你成日嚟呢度㗎？」