【士㞗彈系列】《她被寄宿到鹽水男孩的家中》2K15中: K826

Q：「Cindy，我想問下妳識唔識計呢條呀？」
C：「呢條…X軸嘅反作用力變成Y軸嘅friction去對抗地心吸力，從而計算最終速度…係以前A-Lev啲out syl題嚟㗎喎，隔咗咁耐我未必重計到出嚟。」
Q：「唔緊要嘅，我都知呢題好深又唔會考，係想八下點計咋，如果妳諗唔到嘅話唔使勉強。」
C：「唔勉強嘅，想知點計好簡單，等我影幅相，再等幾分鐘就有…」
Q：「咁犀利？唔通有啲AI自動計數嘅網站而我唔知？」
C：「類似啦…但AI未有咁犀利住，計下微積分都重得嘅，呢啲咁多圖嘅攪唔掂。」
我哋繼續溫書，等咗五分鐘唔使姐姐部電位震震。
C：「答案已經出咗嚟嘞，係咁咁咁，然後…」佢望住部電話罰抄，圖文並貿咁寫咗一大版嘅解說喺張紙度。
Q：「嘩，點做到㗎？實在係太方便喇！」
C：「好簡單嘅啫，平時多啲做好事就得，唔好話呢啲公開試嘅題目，就算係大學頭兩年嘅question bank都可以完美解決，估計可以涵蓋到十幾廿個major。」




聽到呢啲叮噹法寶級別嘅工具，QQ就梗係兩眼發光啦，而我就唔太相常而家啲虧虧地嘅AI咁快就識計呢啲數，擺到明係姐姐收服咗啲兵嚟幫佢啦，好叻咩，我知道身邊就有另一個女仔係擁有相同嘅超能力，就係幽蘭。
佢屋企間公司咁大，要搵個人嚟計呢啲應該唔會難掛？
除咗同姐姐吹水嘅十分鐘外，我終於捱完呢激盪人心嘅百一分鐘，差唔多等於三堂咁滯，呢啲拖拍一日已經好夠；雖然好想再見到泳池姐姐，但要不停計數實屬災難。
Q：「點呀，開唔開心呢？有個咁靚嘅Miss。」
我：「佢係教妳嘅，又唔係教我嘅，好過無啦，重點係佢都靚唔過妳。」我當然唔會俾佢知我同姐姐嘅勾當，所以就更加要扮到無嘢，不為所動。
Q：「算你識講嘢啦，重以為你有姐姐情意結。」
我：「邊係喎，妳點會唔知…不過，妳要畀錢補習會唔會好大負擔？我未必可以幫到妳…」
Q：「唔會呀，佢收得好平㗎咋，差唔多我對完個小朋友兩粒鐘就可以對返佢兩粒鐘，非常實惠，係要就返佢嘅時間過嚟搵佢啫，好在我哋都幾近，同埋我臨測驗先嚟問下佢攞貼士咋嘛，唔係常規補，所以你放心啦。」
好明顯我昅女嘅眼光準確無誤，睇上嘅都係天使級別嘅姐姐嚟，我又何德何能同人哋發展感情關係吖，就算肉體嘅我都應該handle唔嚟…正當我哋穿過時光隧道嗰陣，又見返某傻人嘅背影。
Q：「喂！咁快拍完拖嗱？」佢一嘢拍落健仔後面。