【士㞗彈系列】《她被寄宿到鹽水男孩的家中》2K15中: K827

健：「啊…呀…又係你哋，乜咁啱呀。」
Q：「唔係好啱啫，我哋補完習，你就偷完情。」
健：「講呢啲…邊係偷情喎，其實我同佢都算係正正常常。」我唔反對，對比起我同露娜嚟講。
Q：「係？咁你會唔會正常咁帶佢出嚟見其他朋友，又或者將你哋嘅合照放上IG或者其他平台先？」我想講，妳自己平時都好似無乜做呢類型嘅嘢，唔係前日咁啱就到時間，我都重未知妳條仔係乜樣。
健：「暫時唔會…遲啲先，睇下有無機會啦…」
Q：「咁頭先有無嚟個緊急嘅杏林野合呀？」我聽到噗咗一聲，唔知佢係俾我教壞定係實在對得太慣男仔，講嘢開始越嚟越唔正經同攪鬼。
健：「無…呀，我哋今日無諗住…陣間我又要返工喇，都係留返少少精力好啲嘅。」
Q：「啊，我問錯咗，應該問你頭先有無出精至啱。」
健：「吓…女神點可以問呢啲嘢問得咁直接㗎。」
Q：「係你哋話我係女神咋嘛，我都無講過自己係女神，咁點吖，唔係重點嚟，係咪唔敢答先？」我是唔同意的，妳哋幾個不朽鍾意自稱女神。




健：「有囉。」佢個樣介乎於面紅耳赤同面露難色之間。
Q：「哼，就估到，你個眼神又邊呃到我喎。」同理，有時佢返到屋企見到我會估我係咪啱啱J完嚟。
健：「嗚…都唔係我識嗰個Kuromi嚟嘅。」你夠喇。
Q：「一向見到我個樣嗰陣就唔會係Kuromi嚟㗎啦，唔好咁啦，佢只係一個陰險，奸詐，狡猾嘅小妹妹。」
所以眼前呢個係邪惡大魔頭QQ，名正言順做盡壞事。
Q：「不過你週末咁多工返，就無人幫我直播嚕，無理由要你放咗工重幫手嘅。」
健：「如果兩三場都重可以嘅，多就真係唔得。」
我：「我絕對支持你參與返啲乎合最低工資要求嘅工作，唔好誤墮搵工騙案，謝絕色誘陷阱。」換嚟眼神死光。
健：「或者阿欣得閒嘅話都可以陪下妳，但就變咗妳無得用中路…」
Q：「咁又唔使，播少啲咪使少啲囉。」講就易，同幽蘭整一次頭就四位數，佢部MacBook Pro二手價都近五位數啦，而且重附帶有少女嘅香氣同手油。




健：「欸，我會唔會阻住你兩個，如果係嘅話我可以行先？」定係你條友顧住出精而家要趕返工咋？
Q：「唔會呀，你喺度重好，俾人撞到嘅話易啲解釋。」
我：「點解釋，即係身為女神身邊總要有返幾條仔，唔可以得一條…啊呀！」我喺MTR入面被修理了，永遠都咁突然唔俾人谷起隻大髀先。